مشاركة: الحق كتب الانقليزي موجودة
دوبي راجع من جرير اللي في سوق الحجاز _ مكة المكرمة _
رحتلهم بعد العشاء قالي تجي عالساعه 10 رحتلهم وأخذت الكتب
بس اتأخرت لأنهم قالولنا في الجامعه انو اسم الكتاب " ELCS (101) science" وكان مكتوب عالمجموعة ELCS (102) فخليت الباكستاني يتأكدلي .. اتصل على واحد مدري مين هوه وجلس يتكلم معاه كثير بعدين قالي دا غلط مطبعي وهذه هيا الكتب اللي طالبينها منكم
وكان سعرها بـ 240 ريال ... مدري اشبو المحاسب قالي معاك بطاقة الجامعه ، قلتله ايوة تحتاجها يعني ، قال مدري ... وما أخذها بس عملي فاتورة ومشيت
مدري ايش كان قصده بهذا السؤال
المجموعة تحتوي على 4 كتب ..
كتاب انتركشن (Speaking - Listening )
وأيضا كتاب انتركشن ( Reading - Writing )
وبرضو كتاب انتركشن ( Grammar )
وأخيراً كتاب أظن اسمه ( EAP ) ومكتوب جنبه ( volume ) لونه يختلف عن الثلاث الكتب ،، تقريبا عودي
وبكرة نبدأ نداوم بالكتب الجديدة ان شاء الله
بالتوفيق
|