رابغ - تحليل اسئلة إختبار إدارة الأعمال 11/1/2011
السلام عليكم ..
وأسعد الله أيامكم ..
بعد الإخفاق الواضح بالأمس ..في إختبار الموارد البشرية كان لابّد ليّ من إنتفاضة ..فلم تكن إنتفاضتي إلاّ على غِرار إقالة بيسيرو بعد إخفاقه مع منتخبنا ..
فقررت أن أغيّر عامل المقهى فقلت في نفسي يجب أن تكون الإنتفاضه أكبر .. فغيّرت المقهى بأكمله وليتني لم أغيّره ..
والسبب يعود في ذلك إلى إني قطعّت نفسي بالمذاكره عنده ..وكل شوي معسّل لين جاء الظهر وأنا مواصل .. قلت بدل مانام .. خلني ارجعله شويتين .. وروقتّ المزاج .. ورحت الاختبار وأنا رايق ..
بعد مادخلت الاختبار .. جاني نموذج (ج) يوم وصلت للسؤال الرابع ضحكت وقلت بنفسي ( أبن اللذين عامل المقهى غشني .. وحاطلي بالمعسل حشيش ).. أحاول أركّز .. مافي فايده ..عيني تزغلل وأرجع أركّز و أركّز.. والقى إني أنا صاحي .. بس اللي حاط الاسئله مو صاحي ..
المهم بعد ماصحصت من إنهمالات الاسئله المتشابهه .. واللي حسسسني أننا نختبر بثلاث صفحات مو بمنهج كامل .. قررت إني أجاوب ..وأحّل وأحّل وأحّل ..
الخلاصه .. كانت الاسئله واضحه ومعقوله .. بس الثلاث الاسئله المكرره .. أطالب بدرجات زياده عليها .. لأنه بالعقل لو واحد اخطي بمعلومه مو معقوله انك تحاسبه على غلطه مرتين ..
قانونياً : لايعاقب المجرم على ذنبه مرتين .. لذلك .. أي واحد نموذج (ج) .. من المفروض زيادته 6 درجات .. واللي جايب 100 يحطون السته بالموارد البشريه ..
عموماً .. الله يوفقني وإياكم بالباقي .. ويسهلنّا الثقافه .. والنظم ..

التعديل الأخير تم بواسطة Talalovitch ; 11-01-2011 الساعة 05:54 PM.
|