[nand0o0zz]

أنا اختبرت السبت الإختبار كان روعه روعه روووعه ومررره كان سهل الحمدلله ...

السؤال الأول

:فقره أ:
حيكون تعرفي ..
ادتنا 4 سلايدات تعرفي مرره كانت سهله وجت أكثر شي من الجزئيه اللي بعد النصفي + مجسم العين + مجسم اللأذن ( طبعا المجسمات فيها مؤشر وتختاري الجواب من متعدد مو تكتبيه )

:فقره ب:
حيكون عن السلوك اللي هوا آخر باب
أدتنا جدول فيه صورتين وانتي تصنفيه تحت أي نوع إذا كان innat OR learning الخ ... ( ماطلبت اسم العالم ..)

السؤال الثاني ( كلوو تكلم عن االدم وفصائل الدم ..)
:أ:
أدتنا دائره جوتها صور ملخبطه للتجربه روح تطلب منك انك تشوفي ايش أكثر تجربه أدواتها موجوده في الدائره رح تكتبي اسم التجربه بالإنجليزي وحيكون تحت كل صوره رقم من الأرقام رح ترتبي خطوات التجربه بس كانت سهله صحيح كلامي كثير بس لما تشوفي الأسئله حتكون سهله

: ب :
رح يجي جدول فصائل الدم ( هنا مرره مهم انك تفهمي الجدول مو تحفضيه )
ورح تكتبي yes OR no على حسب المكتوب عندك
إذا مو فاهمته قوليلي وأنا أشرحه لكي

السؤال الثالث ...

: أ :
حيكون جدول الوظائف رح توريكي الأستاذه 3 صور وكل صور حتكتبي اسم البيان اللي عليه السهم وومكانه ووظيفته ( كان مرره واضح )

: ب :
آآآخر سؤال كان أحلى شي أدتنا رسمه ونكتب عليها البيانات والرسمه كانت الخليه العصبيه رح تكتبي اسمها و4 بيانات فيها ( طبعا هيا مأشره البيانات اللي تكتبيها مو كيفك ) وووبس

بالتوفيق حبيبتي مرره اطمني والله كان أحلى معمل اختبرته