[خالد9921]

ما تشوفون سحبتم على الموضوع كله وقلبتوه على المكافاة

المعذره خيو
بس نيوتن اظنه كان يفرفر حول المكافئات بموضوعك واحنا نتكلم عنها
فأتمنى تتحملنا لاننا نتكلم عن نقطة بموضوعك

وول خالد تبغى تفهمني انو في واحد عمرو 18 سنة وصارت عندو مسؤولية والتزامات؟؟؟

بذمتك انا قلت كذا ؟؟ بجد ارجوك تركزي بكلامي كويس !!

ماعندك عيال وزوجة تصرف عليهم.

ماحد تكلم عن انسان يعول زوجه وعيال من الاساس ولا كان كلامي يطالب لهالفئة من الناس !!!

فالمكافئة مو محطوطة عشان الكماليات هادي :)

طبعا اللي زي كذا راح تضيع مكافئته بسرعه
لا وابشرك انا اقدر التهم عشرة آلاف بليلة وحده لو كنت ابغاها !!
ماحد جاب طاري انسان متزوج او طالب مبذر في امور تافهه من الاساس يا دينا !!

انا صح ما راح اتكلم عن اللي اوضاعهم تعبانة

وانا جالس اتكلم عنهم من البداية وكلامي مخصص لهم مو لأي فئة ثانية !!!

بس انا ضد انو تعتبروها فرض على الدولة..

ماحد فرضها عالدولة ,, الدولة فرضتها على نفسها منذو قديم الأزل لأنها عارفه الوضع كويس !!
وما يمنع تواكبها زياده طبيعيه تجاري الامور والزيادات اللي صايره

بعدين اللي حالو مرة تعبان المفروض يقبل بأي وظيفة لو بياع فمحل..!!

الوظيفة المضمونة لطالب الثانوية هي سيكيورتي
اقل شي فيها 8 ساعات وراتبها زهيد ومشاكلها كثيره
بالله في طالب يداوم حوالي 9 ساعات بالجامعه ويشتغل 8 ساعات يقدر يعطي بالدراسه ؟؟!!!!!

بس تقريبا اغلب الاولاد يبغو وظايف مستواها عالي !!

لا هذا الكلام كان بالزمن المخملي زمن لويس السعودي الرابع عشر اللي ما كان طفران !
انزلي الشارع وعاشري الناس وتلمسي حاجاتهم تعرفي انو الاغلبية مستعده تشتغل اي شي !!

حتقول الوقت وما الوقت حاقولك الطلاب حقول اوروبا برضو بيشتغلو وهما عندهم دراسة وما يحتاج اقول مين دراستو اصعب :)

وانا فعلا قلتها واهنيك على استباقك للاحداث
بس ارجع واقول اصنعي لي مواطن زي المواطن الاوروبي او الامريكي اللي عقليته عمليه وبلده عملي
واصنعي لي مستوى دخل شهري او سنوي زي الدخل الاوروبي او الامريكي للفرد
وقتها طالبي عيالنا بالابداعات والاجتهادات وانهم يكرفو ليل نهار !!

انا اخواني كلهم اكبر مني وعاشو بالمكافئة وصرفهم كلو كان منها وكمان كانو يجيبولي اشياء ويبقى زيادة.!!

كان فعل الماضي
واذا جيتي تناقشي مطالب عامة مو لك وحدك .. لا تعممي على حالك وظروفك
لان دوبك تقولي عايشه عند اهلك .. غيرك متغرب ويدفع 700 ايجار بالغرفه كل شهر !!

والمغترب معليش لا تقولي المغترب اهلو حطوه فالبلد لحالو وما اعطوه ولا فلس ولا خلاص قالولو انت رجال يعني وما صارو يصرفو عليه..!! لو فاوروبا اقولك ممكن الاهل يعملو كدا لكن هنا مرة معليش واحد قدنا كدا مابيسيبوه اهلو..

ماشاءالله عليك وكأن افراد المجتمع كلهم زي حالاتك واهلك
ما تنلامي لما تقولي نوفر المكافئات خخخخخخ

باعطيك نموذج واقعي عشان تعرفي انو مو كل الناس سوا !!
انا اعرف طالب اهله في مدينه ثانيه وأبوه يعول يمكن 11 نسمه
وضعهم صعب للغاية ابوه تقاعده ما يوصل 3000 يصرف على مين والا مين !!
اللي صار ان الولد استرجل وسجل عندنا وتغرب بجده
وما لقى غرفه بالسكن قالو له اصبر مافيه راح استأجر غرفه سيئه برا ب 700
300 ريال الباقيه ايش تسوي معاه بالله تكفي اكل طول الشهر والا مصاريف نت لواجب الماث !!
بهالحاله ما راح استنى مساعدة اهلي لي ,, لاني اساسا ما اقبل اضيق على اهلي وشنبي بوجهي !
وعموما لو بفكر من منظورك وتفكيرك هذا
على كذا كل واحد زاد راتبه والا زاد التبرع له من الضمان الاجتماعي
بقوله وين اهلك عنك ليش يتركوك !!
اي اهل والكرةالارضية كلها تعتصر من ازمة اقتصادية لا تعني لفئة قليلة اي شي !

ان كانت الجامعه زودت المكافئة لمليون مصاريف الناس حتزيد وحيرجعو يقولو ماتكفي..

لا هاذي مسؤولية وزارة التجارة وحماية المستهلك ,, ووزارة التخطيط بخصوص العقارات
هما المفروض يمنعو اي ارتفاع لأي سلعة كانت وبالتالي قلة صرفية الشخص
ووقتها اي واحد يبذر ما يلوم الا نفسه !

بس كمان لو مازودو حقيقي انا اشكر الجامعه عشان بيعطونا هادي الفلوس :)

شكرا لانك شكرتيهم نيابة عن الجميع ض1

اول مرة اسمع بانو في احد اعترض لانو هادي السنة سمعت انو حيزيدوها :( وقالو على السنة الجديدة اللي فهمتو انو مكافئة محرم يعني دا الشهر

لا انا ألاحق الحقائق ما الحق الشائعات
اللي صار العام الماضي احد الاعضاء بمجلس الشورى اقترح الزياده 30%
لانو ببساطه الطالب انسان عايش على هالارض اللي الكل ارتفع دخله فيها
لكن واحد ثاني اعترض وانقفل الموضوع ولكي ان تتأمل هذا اللي اعترض !
تقدري تسوي سيرش بقوقل وتعرفي حقيقة الموضوع كاملة
وطبعا مافيه اي زياده جات على شهر محرم ,,,
بس اهنيك انك ليوم 29 محرم ما قمتي بزياره للصراف الآلي تبع سامبا
وشفتي طوابير الطلاب وحتى الطالبات ,, ماشاءالله كلهم مرتاحين بس يتدلعو ويبعزقو الفلوس !!!
تأخيرك بالصرف لهذا اليوم دلالة كبيرة على تلمسك وقربك من هالمشكلة ماشاءالله ,, !!

عموما زادت ولا مازادت انا مبسوطة فيها..:p

الله يزيدك
وعن نفسي المسأله ماهي انبساط او زعل
بقدر ما إني احتاج اساير مخي وعقلي شويه
خصوصا لما اشوف كل شي سعره ارتفع
وبنفس الوقت كل راعي دخل زاد دخله بمافيهم فقير الضمان والجمعيات لانو الحياه تتطلب كذا
ولكن يستخصرو علينا 300 ريال زياده !
مع العلم ان ميزانية الجامعات عندنا ضخمه للغاية وميزانية المملكه يصير فيها فايض كل سنه !!
وايضا المكافئات اغلبها من دخل الجامعه من طلاب الإنتساب ( معلومة اضافية )