لوول خالد تبغى تفهمني انو في واحد عمرو 18 سنة وصارت عندو مسؤولية والتزامات؟؟؟؟؟؟؟؟؟؟؟؟
طيب اللي يحتاجو لمكافئة الجامعه لمصاريف حياتية على قولتك اعانة في اماكن خارج الجامعه ممكن توفرلهم هادي الاحتياجات
المعونة الجامعية على قولتك محطوطة عشان الكتب غالبا واتوقع الكتب مكافئة اول شهر تكفي..
تاني شهر ممكن تستهلك منها على اي شي تاني لانو اتوقع انت بتدفع مصاريف نفسك لحالك ماعندك عيال وزوجة تصرف عليهم..اما يجيني واحد يقول والله ماكفت فاتورة جوالي..!! او يروحلك كل يوم مع اصحابو ويسوي كبير الجلسة ويعزمهم ولا كل يومين بجوال جديد ويقول والله المكافئة ما تكفي فالمكافئة مو محطوطة عشان الكماليات هادي :)
انا صح ما راح اتكلم عن اللي اوضاعهم تعبانة لانو انا عموما مكافئتي ما اصرف منها لانو الحمد لله اهلي اللي بيصرفو عليا لين دحين..بس انا ضد انو تعتبروها فرض على الدولة..
بعدين اللي حالو مرة تعبان المفروض يقبل بأي وظيفة لو بياع فمحل..!! هادي الوظايف متوفرة للسعوديين وموجودة للكل لا تقول انو اغلب المحلات اجانب..بس تقريبا اغلب الاولاد يبغو وظايف مستواها عالي !!
حتقول الوقت وما الوقت حاقولك الطلاب حقول اوروبا برضو بيشتغلو وهما عندهم دراسة وما يحتاج اقول مين دراستو اصعب :)
انا اخواني كلهم اكبر مني وعاشو بالمكافئة وصرفهم كلو كان منها وكمان كانو يجيبولي اشياء ويبقى زيادة.!!
كيف كفتهم؟؟ اخويا حاليا طالب طب كتبو اغلى من كتبنا وبيخرج وبيرجع ومجمع من مكافئتو مبلغ ما شاء الله جدااااااااا كبير هادا وهوا مو مقصر على نفسو..
والمغترب معليش لا تقولي المغترب اهلو حطوه فالبلد لحالو وما اعطوه ولا فلس ولا خلاص قالولو انت رجال يعني وما صارو يصرفو عليه..!! لو فاوروبا اقولك ممكن الاهل يعملو كدا لكن هنا مرة معليش واحد قدنا كدا مابيسيبوه اهلو..!! ان كانت الجامعه زودت المكافئة لمليون مصاريف الناس حتزيد وحيرجعو يقولو ماتكفي..
ارجع اقول انا اتمنىىىىىىى الزيادة واكيد حتفرق معايا الزيادة ومرة انبسطت فيها بس كمان لو مازودو حقيقي انا اشكر الجامعه عشان بيعطونا هادي الفلوس :)
ايوه عشان كذا قلت كلها 300 ريال ما حتفرق معاهم لانو هذا كان المقترح
بس واحد من الاعضاء اعترض عالزياده واتنسى الموضوع خخخخخخ
|
اخص..!! اول مرة اسمع بانو في احد اعترض لانو هادي السنة سمعت انو حيزيدوها :( وقالو على السنة الجديدة اللي فهمتو انو مكافئة محرم يعني دا الشهر بس انا ماسحبتها عشان كدا ما اعرف اترفعت ولالا بس ما اتوقع لانو محد اتكلم قلت يمكن الترم التاني..!!
عموما زادت ولا مازادت انا مبسوطة فيها..:p