[Dina-s-b]

انا بفهمك شي..انت دحين لمن تحط معدلك روح احسب فالاودس حقك انك اخدت صفر فالفيزيا والماث يعني رسبت فيهم وحط 100 فباقي المواد
راح يطلعلك معدلك اللي حيكون لاصق فيك لييييييين ماتتخرج من الجامعه
فالصيفي حيتفتحلك نفس الجدول هادا وراح تعتبر اخدت المادة للمرة التانية ولك معدل مختلف ينضاف للمعدل اللي اخدتو لمن رسبت فالماث والفيزيا واكيد طبعا راح يأثر عليه لانو تراكمي زي لمن فايام الثانوي معدلك حق تانية يأثر على معدلك حق تالتة وزي القدرات ما تأثر على المعدل حق الثانوي كلو زي كدا
يعني كانك اخدت مادة جديدة بس هيا فالاصل نفس المادة اللي انت اخدتها فالبداية عشان كدا احسنلك انجح فالمواد ولا انك ترسب..!! اما باقي استفساراتك صراحة ما اعرف عنها شي..بس تقريبا كل الجامعات دحين تطلب سنة تحضيرية خاصة بكل جامعه..حتى الكليات الخاصة فيها سنة تحضيرية مو على طول تبدأ تدرس بس يعني تكون تحضيرية حسب التخصص :)