[محمد بن عيضه]

اختي العزيزة : اول شي انا حسيت من كلامك انو انتي متحطمة جداً وطول مامعنوياتك منخفضه ماراح تتقدمي لهذا السبب اول شي لازم تسوي تذكري الله وتتذكري انو اشي الله كاتبه فيه خير لنا لكن بما أننا بشر يعترينا النقص أحياناً نحس من بعض الأحداث اللي تصرلنا أنو شر لكن أنا أجزم انو خير لكن بما أننا بشر مانستوعب الخير اللي الله مخبيه لنا من هذي الأحداث .وتذكري الآية الكريمة ( وعسا أن تكرهوا شيئاً وهو خيرٌ لكم ) .


وبما أنو انتي شديتي حليك وماحصلتي اللي تبغيه اتذكري انو هذا خير من عند الله وإمكن يكون فيه شر ينتظرك لو دخلت الطب عشان كذا الله وفقك في هذي الدرجات

وبالنسبة للحاسب أنا أتمنى انو ما أحد يفتي في الحد الادنى للمعدل لانه الحاسب مايطلب حد للمعدل لكن يطلب حد
ادنى للدرجات في الانجليزي ومادة الحاسب وتلاقي هذه الاشياء في موقع الجامعة يعني عشان اوضحلك ممكن واحد يكون جايب 3.7 مثلاً والثاني جايب 3.4
الثاني يدخل كلية الحاسب والاول لا لانو ماجاب الحد الأدنى في مادة الانجليزي او الحاسب .
لكن برضو مو اي واحد يجيب الحد الادنى في المواد يدخل الحاسب يعني ممكن واحد يجيب مثلاً 3 ويجيب الاحدالأدنى في المواد وما ينقبل . والسبب انو مثلا يكون الطاقة الاستيعابية للكلية 200 طالب وفيه 200 طالب جايب الحد الادنى ومعدله اكثر من 3 . يعني شدي حيلك وان شاء الله ربنا يوفقك

واتمنى انو الصورة تكون واضحة
وبالتوفيق