[فرحة]

الان نشرح التباين والانحراف المعياري


الانحراف المعياري في المعياري في حاله البيانات الغير مبوبه

افتحولي كتبكم ص 95
مثال 3-37


05 , 70 , 80 , 90 , 60


القانون الي عندكم في الكتاب
ابغاكم تقرءوه وبعدين تمسكولي قلم احمر وتحطو دوائر على الاشياء الي اطلبها منكم

يالله نقرء القانون مع بعض
S= جذر كبير وتحت الجذر مكتوب اشارة مجموع الي هي زي رقم الاربعه بالانجليزي كاتبينها بالاسود بس غامق اغمق من باقي الكلام الي في القانون
فوق اشارة المجموع مكتوب حرف " ان " صغير مرا وتحت اشاره المجموع مكتوب " حرف اي تساوي ون "
بعدين جمب اشارة المجموع فيه اكس تربيع وتحت التربيع مكتوب حرف " اي " صغير



ناقص وقوس كبير جدا وقوس صغيرزي كدا ) ودخل القوس اشارة مجموع بالاسود الغامق جدا علي رأسها من فوق حرف " ان " صغير جدا وتحت في نهايت اشارة المجموع فيه "اي تساوي واحد " بعدين اكس جمب الاكس فية حرف " اي " صغير جدا
وقفلولنا القو س(
بعدين الكل تربيع يعني تربيع في طرف القوس من فوق وشرطه وحرف " ان "
بعدين قسمة خط من تحت " ان ناقص واحد "





امسكو قلم احمر ارجعو طالعو في القانون من البدايه ايش اول شي مكتوب مو جذر بعدين اشرة مجموع فوقها ان صغيرة وتحتها اي يساوي ون وامام اشارة المجموع مكتوب اكس تربيع وتحت التربيع اي

حطولي دائره على اشارة المجموع
ودائره على اكس تربيع فقط

صار الي عليه دائره هنا هما اشاره المجموع واكس تربيع

الاشياء الي ما عليهم دوائر هما حرف ان وحرف اي وحرف ان يساوي واحد




طيب نكمل الجزء الثاني ناقص وبعدين قوس كبير جدا وبعدو قوس صغير زي كدا ) وداخل القوس رمز اشارة المجموع ثم حرف ان فوق اشارة المجموع ةمن تحت اشارة المجموع كاتبين اي تساوي واحد
وامام اشارة المجموع كاتبين اكس وتحت الاكس حرف " اي " بعدين قفلو القوس ( ومن فوق القوس حاطين تربيع بعدين خط مائل وحرف" ان"



امسكو القلم الاحمر حطولي دائره القوس الكبير جدا ودائره على القوس الصغير الي اصغر منو
ودائره على اشارة المجموع ودائره على الاكس ودائره على القوس الي مقفلين بيه الي هو زي كدا ( القوس الصغير وفيه على طرف القوس الصغير من فوق تربيع حطولي دائرة على التربيع
ودائرة على الخط المائل ودائرة على حرف ال ان ودائرة على القوس الكبير جدا



صار الاشياء الي عليها دوائر هي القوس الكبير جدا والقوس الصغير واشارة المجموع والاكس والقوس الي مقفلين بيه هو قوس صغير زي كد ( والتربيع الي فوقه والخط المائل وحرف الان


الاشياء الي برا الدائره هي حرف ان وحرف اي وحرف اي تساوي واحد



بعدين حطولي دائره علي الخط الي هو خط القسمه ودائره على الجذر الكبير الي في القانون


طيب تحت فيه تحت الخط حرف ان ناقص واحد حطولي عليها دائره





الاشياء الي برا الدوائر انسوها اكتبولي القانون بيدكم بالقلم الاحمر في بداية الصفحة من فوق ولكن اكتبولي القانون الي احنا عملناه مع بعض الي بالدوائر الحمرا بس هو الي تكتبوه





حيصير زي كدا جذر كبير اشارة المجموع اكس تربيع ناقص قوس كبير ثم قوس اصغر منه اشارة المجموع اكس ونقفل القوس ونحط علي طرف القوس من فوق تربيع ونقل القوس الصغير بعدين اكتبولي خط مائل وجمبو حرف ان
وقفلولي بقوس كبير جدا


اعملو خط كبير للقسمه وتحتو ان ناقص واحد




هادا القانون احفظوه صم زي اسمكم لا تعتمدو على ورقه القوانين القانون سهل


طيب يالله نعوض في القانون


نكتب جذر كبير ونكتب اول شي يبغا مني في القانون مجموع اكس تربيع ايش معني اكس تربيع معناها اخذ كل قيمة كل عدد لوحدو واربعوونجمع كل القيم مع بعض
يالله نطبق الكلام دا
بالاله الحاسبه اعملو معايا 60 تربيع +90 تربيع + 80 تربيع +70 تربيع + 50 تربيع ونضغط يساوي حيطلع الرقم التالي 25500
اذن على طول نكتبها
شوفو عشان تفهموني كويس طالعو في الكتاب هو كاتبها عمل جذر كبير وكتب تحت الجذر 25500 عرفو كيف نجيبها
ناقص قوس كبير وقوس اصغر منو يبغا مني مجموع اكس الكل تربيع لانو التربيع على طرف القوس من فوق
كيف نجيبها نكتب زي كدا في الاله الحاسبه
(60+90+80+70+50)وبعدين اضغطو على التربيع الي في الاله الحاسبه حيصير التربيع علي طرف القوس من الاخير يعني من القوس الي في الاخير
اضغطو على يساوي في الاله الحاسبه يعطيكم الناتج 122500 اكتبوه الخط المائل الي جمبو حرف n هادا معناه
الحرف الان معناه العدد عددهم 5 عدد البيانات
والخط المائل هادا معناه قسمه يعني ابغاكم تحطولي الخط هادا تحت الناتج 122500
وتحت الخط اكتبو 5
واعملو خط كبير جدا وهو خط القسمة اكتبو 4 لانو ان ناقص واحد = 4
احسبو النتيجه بالحاسبه تطلع 15.81


صار القانون هو جذر كبير بعدين مجموع اكس تربيع ناقص نفتح قوس مجموع اكس ونقفل القوس ونحط تربيع على طرف القوس نخليها فوق تحتها نحط حرف ان

ونعمل خط كبير جدا وهو خط القسمه تحتو نكتب ان ناقص واحد


يارب يكون اتفهم

اذا ما فهمتو قولولي اعيد الشرح

التباين هو نفس الانحراف ونفس قانون الانحراف بي الاختلاف اخر خطوه بدون الجذر