[سحر البيان]

بما أني دافوره قديمة ( هههههههههه )

انا كلامي بصفه عامه و من ملاحظاتي لاسلتكم هنا في المنتدى

هذه رد سابق لي حبت أنقله هنا لأنه ممكن ما تكوني قريته ...

أول محاضره أعطيتها لطالباتي أعطيتهم كم نصيحة .... و اليوم نصحت أخونا عبدالله به راح أرجع أنسخها هنا و أضيف عليها كم نقطة للفائده .... بالنسبة للمعناه اللي بتعانوا منها شيئ طبيعي .... الانتقال من الدراسه في المدارس الى المرحله الجامعيه .... شيئ صعب مو كل واحد يتخطاه بسهولة طريقة المذاكره , الاسئلة كل شيئ غير .... فصل صغير عدد طلابه محدود , دروس بسيطه ( قليلة ) في بعض المدارس تعطي ملخصات ,, و أسئلة مراجعه ما يخرج منها الامتحان ... و في بعض الاساتذة الله يسامحهم ما يعرف يشرح معلومه ( يقوم يلغيها ) أو ما يجيب منها أسئلة ... و فجأة تصير هذه النقلة في حياتكم ..... قاعه أقل عدد طلاب فيها 45 .... الدرس اللي كان بالكثير 5 صفحات صير 10 و مافي أسئلة مراجعه .... حتى اذا في تست بانك الأسئلة مو منها ,,,,, الخ طبيعي ... تتعب .... لكن نصيحتي لكم ... أولا تغيروا طريقة مذاكرتكم أولا .... حاول أنكم تفهموا بتركيز للماده ... أستعين بالكتاب لأنه هو مرجعك الاساسي بعد ما تفهم حل المسائل اللي أنت مطالب بها .... حل تست بانك من الجزيئة اللي أخذتها ... أتعلم شيئ أن تبحث عن المعلومة مو هي اللي تبحث عنك ... بمعنى في نقطة ما فهمتها ... جرب في النت ... شوف كتاب ثاني يمكن حلها شرحها بطريقة أفضل لكن لا تعتمد أنك تذاكر التست بانك و أنت مو مذاكر ... بمعنى ... لو التست بانك 100 سؤال و أنت ذاكرتها أو حليتها ... من غير ما تقرأ الكتاب معناها أنت ذاكرت 100 فكره ... عندك أنت ما في شيئ يربط بينهم .... لكن لو ذاكرت الكتاب أول كانت الأسئلة عندك سهلة لو ربطت بينها راح تلاقي أنها ممكن ما تتعدى 25 فكره .... و الاهم من هذا كله حددوا هدفكم ... و لازم تعرفوا أن لكل شيئ ثمن يعني اللي تبغى تشتري الماس زي الذهب زي اللي راح تشتري اكسسورات ( للبنات ) للاولاد ... اللي يبغى يشتري بورش ... زي الشفروليت .... زي الهونداي .... أكيد فرق ( ههههههههه) و لا تتخيلوا أنه في شيئ من غير تعب ... اللي يذاكر أول باول ... مو زي اللي يذاكر في الاسبوع مره ... و اللي ذاكر نفس يوم الاختبار ... و المذاكره مو معناها حفظ كل كلمة في الكتاب لا معناه الفهم الصح للمعلومية ... و يا جماعه الكتب مهم .... ممكن في معلومه نسي الدكتور يقولها أو يشرحها ... ممكن قالها و أنت ما لحقت تكتبها ... ممكن فهمتها غلط و كتبتها غلط رجوعك للكتاب يساعدك بتفادي هذه الاغلاط .... المسائل لازم تحلوها بنفسكم أمسكوا ورقة و قلم و حلوها و قارنوها بالقيمة الاخيرة اذا طلعت صح أو لا و اذا ما طلعت صح راجعوا الى ما تعرفوا النقطة اللي غلطتوا فيها .... صدقوني عمركم ما راح تنسوها بالنسبة للمواد الثانيه في خطتكم .. و عندك الاحياء .... ما احبها .... بس حفظ الاحصاء يبغا لها تركيز جامد .... و حل مسائل بنفسك مو تشوف المسالة و تقول عارف حلها ... لا أمسك ورقة و قلم و حل ... و أتمنى نصائحي تفيدكم و بالتوفيق

بالنسبة للفيزياء لانها قريبه من تخصصي كيمياء فيزيائية ...

أولا ... أقرئي الكتاب المقرر كويس ( مو تحفظي و لا تترجمي كل كلمه فيه ) أقرئيه قراءة و لخصي القوانين المهمة و اذا في حالة شاذة , أو شروط لهذا القانون , وحدته ....

حلي التمارين لوحدك بورقة و قلم ( مو نظر ) قارني بين حلك و حل الكتاب .... طلعت النتيجه صح اذا انت حلك صحيح .... اذا طلع غلظ ... أتتبعي الخطوات حتى توصلي للخطوه الغلط و أرجعي لصفحة ملخصك ( اللي عملتيه أول أكتبيها في الملاحظات )

بعد كذا حاولي تحلي أكبرقدر ممكن من المسائل .... لا شعوريا راح تبدأي تربطي بينهم

مسائل الفيزياء و الكيمياء ... ما تخرج أفكارها ثلاث أفكار رئيسية

تطبيق و تعويض مباشر في القانون ...

نأخذ قانون سهل ( الكثافة) .... يطلبوا الكثافة

d=m/v .....

ممكن يطلب أي متغير في القانون ....

ممكن d , v

يطلبك منك حساب قيمة معينه ... و تكون لديك قيمه أخرى مجهولة .... مستحيل يكون عندك مجهولين في المسألة ... لو قريت المسألة كويس راح تلاقي فيها معطيات توصلك لهذا المتغير ...

طلب منك الكثافة ... و أعطاك الكتلة ... و ما أعطاك الحجم

و لكن قال لك أن الماده طولها 1 سم و عرضها 2 و ارتفاعها 3


من هذا المعطيات تقدري تجيبي الحجم .... كمان في الفيزياء يفرق الحجم حسب شكل الماده بمعني المكعب غير عن الشكل الاسطواني ...الخ

الشيئ الثاني المهم هو الوحدات لازم تنتبهي لها ...


بالنسبة للرياضيات ... لانه عمري ما أعتبرتها ماده صعبه ... ما عندي أفكار تساعدك

لكن نصحيتي حلى أكبر قدر من المسائل ....

ان شاء الله أكون أفدتك