والله لما قريت سؤالك احترت ..
بس هما كاتبين في البداه على الصفحه وشكلو لييه علاقه ..
لانو صح كيف نفرق !!
اذا احد فاهم ياريت يقول لنا 
|
شوفوا يا حلوين الصراحة مو مرا فاهمة ايش الي قصدكم بس لو كان قصدكم على انو متى نستخدم i will و i'm going to فانا حقولكم مااعرف ادا حتفهموا عليا
أول شي دحين في افعال احنا نسويها بشكل فوري يعني مثلا وحدة قالتلك الشنطة تقيلة عليا المفروض الشي الطبيعي انك تقوليلها هاتي اشيلها عنك او مثلا تقولي لوحدة تبغي تشربي كوفي ولا تي تقولي كوفي لازم انت تقوليلها اوكي حجيبلك هوا يعني فعل متوقع منك في دي الحالة رح تستخدمي will كمان لو مثلا دق جرس الباب تبغي تقولي جاية برضو تستخدمي will
لكن لما تبغي تقولي عن شي انت حتسويه مو مرتبط بردة فعل منك رح تستخدمي i'm goint to
Examples.
the bag is too heavy>>i will carry it for you*(استخدمتي ول لانو ردة فعلك كانت انك حتشيلي الشنطة)
the phone is ringing>>i will answer it*(التلفون بيرن ردة فعلك لو انك حتردي فقلتي حرد هادي ردة فعل منك)
* where are you ??i'm going to arrive (سالتك فينك فاخبرتيها بحالتك انك قادمة<<حلوة قادمة هههه)
* i'm going to work since sunday(شي عن نفسك رح تسويه)
عارفة شرحي كلجة
بس دا كل الي اقدر عليه يارب اكون افدتكم يا حلوين
تحيااااتي