رد: توضيح عااااجل بخصوص المعدل
^^
لا ياحلو الفيزيا اساسية :)
هيا والانجليزي والاحياء والكيميا
ويب الاحياء ضرورية حبيبتي اصلا كيف تبغي تدخلي حاجة لها علاقة بالاحياء وانتي درجتك قليلة فيه؟؟
بالنسبة للمعدل في اكتر من معدل :) في معدل ابو 5..هادا عادة ما يكون مهم بس طبعا يعتمد على الترمين :) لازم فالترمين تجيبي معدل اكتر على الاقل من 4 ونص عشان يطالعو فيكي ويحطوكي فاحتمالية انك تدخلي كلية صحية ولالا..
وفي معدل اللي هيا من المواد الاساسية اللي قلتها فوق .. هادي طبعا من 90..ومالها نسبة محددة هوا حسب الطالبات اللي جايبين بس غالبا لازم تكون اكتر من بي بلس..اما لو مادة وحدة اقل ممكن بس هوا مايعتمد على اي او بي على قد مايعتمد انو تكون نسبتك فيه عاليه وتكفي انك تدخلي مو يكونو البنات جايبين اعلى منك.. بس اصلا ما شاء الله انا شايفة البنات مرة دوافير يعني اعتقد على الاقل لازم تضمني انو اغلب موادك فوق البي بلس يعني اي او اي بلس عشان تقدري تدخلي مع هادول البنات الشطار =(
وفي معدل لكل المواد برضو هادا مهم :) بس اهم حاجة يطالعو فيها هيا حقت المواد الطبية (فيزيا وانجليزي واحياء وكيميا) :) والانجليزي كل المستويات اللي انتي اخدتيها طبعا لانو هوا المفروض انو يتحسب بالساعه مو بالمستويات يعني احنا السنة اللي فاتت كنا ناخد مستويين من 6 ساعات 3 لكل واحد..وانتو دحين لمن تجمعيهم حتلاقيها برضو 6 ساعات :)
انا كمان حلمي طب اسنان ودرجاتي رائعة الحمد لله بس بيني وبينك مع دفعة هادي السنة..!! بدأت اشك فالموضوع :(
بالنسبة للي بيقولو يحولو هندسة هههههههههههه طيب الهندسة كمان يبغالها معدل عالي قريب من الطب :( شوفولكم حلم تالت :( الله يساعدنا بس ما ابغى اقول حسبي الله لانو دا نظام يشوف حسب الدرجات مافيه ظلم لاحد بس قهر لمن تبني حلمك طول حياتك على شي..بعدين فسنة وحدة تحس انو ماتقدر تحقق دا الشي وتبدأ تغصب نفسك تنساه وتدور بديل!! صعب والله :(
|