عرض مشاركة واحدة
منتديات طلاب وطالبات جامعة الملك عبد العزيز منتديات طلاب وطالبات جامعة الملك عبد العزيز
قديم 20-12-2010, 09:53 AM   #3

Brainiac

مراقب سابق

 
تاريخ التسجيل: May 2010
نوع الدراسة: ماجستير
المستوى: متخرج
الجنس: ذكر
المشاركات: 974
افتراضي رد: استفسااااار جزى الله كل من يرد عليه خير.

أهلا أختي... وحياك الله في المنتدى.

أخوي "علاوي 212" ما قصر وجاوب على اغلب اسئلتك...

بوابة "قبول" ما راح تفتح معاك الا لما تكون عندك نتيجة القدرات..... يعني في البدايه ما راح تقدرين تقدمين ... وبتلحقين على التقديم ان شاء الله على اخر اسبوع او اسبوعين منه لحد ما تطلع نتيجة اختبار القدرات ( في حال انك لسه ما اختبرتي).

بخصوص التوصيات ، وجودها مفيد للطلب ... ولكن لو ما قدرتي تجيبينها برضو في مجال انك تقدمي .. يعني اذا قدرتي تجيبين التوصيات كان بها ، اذا ما قدرتي ما راح تكون عائق عن التقديم.

عند التقديم ، لازم تتوفر عندك الاشياء هذي:
- نسخة من وثيقة التخرج
- نسخة من السجل الاكاديمي
- نسخة من بطاقة الهوية الوطنية الخاصة بك... واذا ما عندك ، نسخة من بطاقة العائلة.
- السيرة الذاتية

هذي اهم الطلبات ، بس لو عندك شهادات اخرى بالامكان تضيفينها ( دبلومات ، دورات، شهادات شكر... الخ).

طبعاً المفاضلة راح تكون بناءاً على النسبة الموزونة:
اختبار القدرات : 40%
المعدل التراكمي: 30%
اختبار الانجليزي: 10%
الخبرات والدورات: 20%
المــجمــــــــــــــــــوع: 100%


بالتوفيق أختي... وان شاء الله تكوني من المقبولات

 

Brainiac غير متواجد حالياً   رد مع اقتباس