[جامعي*]

محاضرة ؛؛7؛؛
حضرت متاخر وقد بداء الدكتور ..
بنزل اللي كتبته من حضرت وبشوف الناقص بكراا واجيبه ان شاء الله ..

- نظرية الموقف معناها لاتوجد نظرية واحدة تصلح للجميع انما الحالة او الوضع هي التي توجد حل لمشاكلها ..
قالنا مثال انو كان شغال بهيئة الاغاثة الاسلامية كان مسئول عن اعانة الطلاب للدراسه ..

- نظرية إيستن للنظم ...اقروها بس ..

- هذه النظرية زي الصندوق اللي لوه فتحتين مدخلات ومخرجات ..

- المدخلات ماتوقف مكانها لازم تتحرك عشان تصير مخرجات اذا ماتحركت يعتبر مستودع ..

- يشترط في المدخلات ان تكون محتاجة لها المنظمة في العمل غير كذا يصير ديكور ..

- المدخلات ان كانت ماليه اي زيادة تؤدي للسرقة واي نقصان يؤدي للدربكة ..

- نفس الشي الموظفين ان كان الموظفين اكثر من الحاجة حيصير تضخم وظيفي ..

- اذن المدخلات يجب ان تكون حسب الحاجة لتكون مخرجات ..

- النظرية تقول اذا كنت تبغى مخرجات زي الناس لازم يكون الموظفين مؤهلين ..

- تغذية عكسية المفروض يسمونها تصحيح وهي ردة فعل الجمهور المستقبل للمخرجات ..

- اهم الانتقادات الموجهه للفكر التنظيمي الحديث اللي هو الفكر التنظيمي المعاصر :
" هنا كان معصب الدكتور يقول انو المفروض مايقولون معاصر خلوه حديث لان معاصر يعني كل العصور وحنا نبغى نتكلم عن الحالي الحديث وفي النهايه قال هذي فلسفتي الخاصه "
نجي للانتقادات ..

- انها يعني نظريات انسانيه خياليه اكثر من انها واقعيه ..

- اهتمت النظريات السلوكيه والانسانيه بالانسان بصورة مبالغه بحيث احدثت خللآ بالمنظمة ..

- انو ظن المنظرون في الجانب السلوكي انو ماينطبق في المعمل ممكن ينطبق على الناس وهذا خطأ لانو ولقد كرمنا بني ادم ..

- نظرية الموقف انتقدوها انها تعالج القضايا الحاليه وليس المستقبليه اي انها لاتسمح بالتطوير ولكل حاله نظرية تناسب بيئتة وظروفه ومشكلاته ..

- نظرية النظم قالو انها غير مهمه للادارة لكن للسياسه مهمه ..

- راموس عندو ماجستير وهو من عظماء التنظيم حطوه برفيسور وهو ماعندو الا الماجستير ..
~~~>" ذاكروو راموس مزبوط لانو جلس نص المحاضرة يتكلم عنو "..~

- توطين بعض المناصب في الناحيه العلمية خطأ ..

- قبل لاننتهي احب اذكر انو اسئلتي حتكون 50 سؤال كل سوال عليه درجتين وكلها صح وخطا وكلها من الكتاب لان ليس من العدل انو اسئل البنات اللي برى جده عن كلامي وما حـ اسئل عن تاريخ ولا بسئل عن خواجات مغرورين مابجيب اسئلة عن التاريخ والعلماء اللي قلتهم هم بسئل عنهم بس ..

- مطلوب قراءة الفصل الجاي عشان يسهل الشرح ..

- بـــــــــــكذاا انتهت المحاضرة ..