[بآسكن روبنز]

بسم الله الرحمن الرحيم

السلام عليكم ورحمة الله وبركاته

طبعاً انا اول مرا اعمل موضوع في هذا القسم الوردي

و جايه مبسوطه فـ لاحد يدقق في اي شي في العالم

البارح سويت منائيش

و اول مرا اسويها فـ ماضبطت لا شكل ولا طعم ولا لون

بس قلت حسافه تعبي يروح باطل لازم لازم طبخي يشوف النور <~ مصدقه انو طبخ

على العموم احسن من الاندومي


شوفو ياحلوات :~





الاولى بعد ما ذقتها تذكرت اني كنت بصورها

و سمعت انو لازم احط المقادير و الطريقه

3 اكواب دقيق .. رشة ملح و رشة سكر .. ملعقة زيت لكل كوب دقيق .. كوب ماء فاتر

خبصي كل شي مع بعض واذا طلعت ناقصه مويه او دقيق لا تستحي حطي قد ماتبغي

بعدين قطعيها قطع صغيره و شكليها دوائر وخليها نص ساعه ..

واما عن طريقة خبزها والكلام الي مامنو فايدهـ <~ ايش مفهومك عن الطبخ

فـ تحطي شوووية زيت في اي مقلاة عندك و افردي العجين بيدك على المقلاة وخليها لين تتحمر مدري تتقمر مدري ايش يسير فيها

بعدين اقلبيها

و لما تحطي عليها الاشياء الي بدك تحطيها عليها زي لبنه وعسل لبنه وزعتر لبنه لحالها جبنه لحمه اي شي في العالم

حطيها شويات في الفرن ~> ما ادري ليش بس صاحبتي الي تسويها قالت لي سوي كدا


ترى المقادير و الطريقه ماني متاكده منها .. يمكن يكون نسيت شي

وبس خلصت

تذكرو .. لآحد يدقق