[ابو خــــــــــالد]

يا اخوان ترونا في السعودية يعني من الدول النامية يعني ادارة عامة وادارة اعمال ما تحدد مستقبلك من ناحية الوظيفة يعني اذا كنت ادارة عامة بامكانك تتوظف في القطاع الحكومي او القطاع الخاص او اذا كنت ادارة اعمال ليس شرط بس في القطاع الخاص ..

وبأختصار وظيفتك يحددها لك بعد الله سبحانه وتعالى ليس تفوقك العلمي او مقدرتك واذا كنت تضن ذلك فلا يا حبيبي ركز وصحح معاي فلأهم ـ الواسطة ــ الشهادة تجي بعدين لتحديد نوعيه الواسطه لان الواسطة تراها مراتب ومستويات .
فاذا كانت كفاءة تروح عند الواسطة صاحبة الكفاءة و ثانويه تروح عند الواسطه اللي ما تشيل الا ثانويه واذا جامعية تروح عند واسطه ثانيه ما تتوسط الا بالشهادات الجامعية .

ومن ناحية سرعة التوظيف فاقول بان الواسطات ايضا مثل ماهي مراتب ومستويات ايضا تختلف في السرعة فبعضها ما يميدك تشوف الشاهدة الا وانت متوظف وبعضا تاخذ من اسبوعين الى شهر وبعضها تاخذ من ثلاث اشهر إلى سنه يعني ان الواسطة سرعتها تختلف من واسطه إلى أخرى بعضها عابره للقارات وبعضها بالميل وبعضها بالكيلو متر وبعضها تكره نفسك يالله تجي .

واذا كان هناك سرعة لها فأ يضا لها صلاحية ومدة فبعض الصلاحيات مدة صلاحيتها تطول ـ مثل اكياس الرز ـ وبعضها تكون قصيرة وكأنها علبة لبن ، وبعضها تحدد تاريخ صلاحيتها بعد ما تحرك الواسطة فتبدأ تاريخ الصلاحية في التناقص ــ واحيانا يكون مدتها اقل من سرعتها ـ والتي تكلمنا عنها من قبل ـ فاحرص ان تكون سرعة الواسطة ومدتها ومستواها متساويان .

وهكذا يعني قبل ان تحدد طريقك إلى المستقبل أو التخصص شوف وانا اخوك الواسطه في اي اتجاه او في اي جانب وبعدها تخصص في نفس الاتجاه اللي تشوف فيها واسطتك اقوى واسرع اذا كنت مستعجل على الوظيفة .




تحياتي