[رغد محمد]

السلام عليكم ورحمة الله وبركاته ...

صباح الفل والياسمين لكل أنثى تمر من هنا ...

إليكن ما حدث يوم الإثنين الماضي وآسفة على تأخير ردي حبيباتي ...

أخذنا رايتنغ 213 مع الأستاذة حنان الطرازي شعبة 03 : وشرحت لنا عن كتابة الربراغرافات والإيساي وهنا راح اجاوب على سؤال ماي نانا :

الأستاذة قالت إنو الإيساي أنواع كثيرة وذكرتها لنا وهي :

Essay :Comparison & contrast _ cause & effect_narrative _opinion–persuasive _ argumentative _ deive .

وإلي راح ندرسهم 4 ...اعتقد إنه مراح يكون إلي باللون الأحمروالله أعلم ...

وكمان قالت إنو راح يجينا في الإختبار اكتبي إيساي وراح يجيبوا لنا 4 مواضيع وإحنا نختار واحد ونكتب عنه ...

وطبعًا الإيساي راح يكون مكون من 5 أو 6 براغرافات يعني علشان توضح أكثر ...

مثلاُ ..

إذا طلبوا مننا إيساي مكون من 5 برغرافات فراح يكون التقسيم كذا :

المقدمة هذه برغراف 1 والخاتمة برغراف 1 والعرض راح 3 برغرافات ..

فهمتوا علي حبيباتي ......؟؟

وبعدين بدأت تشرح لنا خطوات الإيساي :المقدمة والعرض والخاتمة وراح تلقونها في المرفقات ..

وراح تكمل معانا بكرة إن شاء الله في باقي الإيساي ..

وربنا يسهلنا أجمعين ..



أما بخصوص العربي فشرحت لنا التقرير وخلصناه .. للأسف متأخرين كثير فيه لان النت يقطع معاها ...



أما الكلاس إلي بعده كان فغنسي مع الأستاذة جيهان شعبهة 01 :

فأخذنا معاها الدرس الثاني تكملة طبعًا ..

يعني باقي صفحة ونخلص الدرس الثاني وننتقل للدرس الثالث .. نصيحة ياعسولات نصيحة من قلب والله ..احفظوا كلللللل شي في الفرنسي علشان تقدروا تجيبوا الفل مارك في هذه المادة هي إلي راح ترفع معدلنا ...

ترى صفحة 19 من كتاب الدروس يبيله حفظ تمااااااااااااااام كله من اوله لأخرة...

الأستاذة كمان حلت معانا التمارين وقالت إنو الأسئلة ماراح تخرج عن الكتاب _يعني تبين الفل مارك ولابد يكون هذا طموحك حتى لو مستواكِ تحسي إنو نازل ارفعيه بمعنوياتكِ العالية_ يعني ذااااااكري الكتابين تمااااااااام وفالك التوفيق إن شاء الله ...



أما بخصوص الكلاس إلي بعده كان ثقافة إسلامية ...

وصلنا للصفحة 165 .. وعلى فكرة كلللل التعاريف اصطلاحًا مهمة جدًا جدًا .. والأدلة ماهي حفظ أبدًا أبدًا ..ولكن كل ماعليكِ معرفته هو إنك لازم تعرفي كل دليل خاص بماذا وعلى يدل لأن هذا السؤال جدًا مهم ..

وكذلك صفحة 153 و164و155 مهمة جدًا جدًا جدًا لدرجة إنها قالت :لو أقولكم بمدى أهمية هذه الصفحتين من هنا إلي الجاية برضوا ما راح أقدراوصلكم اهميتها جدًا مهمة ..

وكذلك صفحة 126 أول الصفحة رقم 3 هذا جدًا مهم وذكرته لنا أكثر من مرة ...

وكذلك صفحة 111 و112 جدًا مهمة ...

وكذلك صفحة 132 و133 مهمة جدًا صوراف التدبر ..

وصفحة 96 و97 و98 مهمة جدًا جدًا.. وكذلك درس ثبوت القراى جدًا مهم ..

حبيت أعطيكم الشي المهم والمفيد فيه وربي يوفقكم يارب العالمين ..

وبس هذا إلي صار في يوم الإثنين ..

دعوااااااااتكم حبيباتي ...

رغووودة ...