[سحر البيان]

المشاركة الأصلية كتبت بواسطة تووتـــــــــة انا دحين فاولت على نفسي !!!! انا بأسأل بس وبعدين انا عندي امل في ربي اكتر من اي احد وواثقه في ربي وراضيه بأي شي يكتبه ليا لأنه اكيد بيكون خير اشبكم انتو ؟!! وبعدين مافي شي اسمه الي مايقدر على التحضيري مايقدر على الطب ! كلامكم متناقض بصراحه تقولوا سنه تدميريه وتعجيزيه وترجعوا تقولولي التحضيري مووويه دحين وحده ولا واحد يبغا يتخصص مثلا دكتور نساء وولاده ولا جراحه ايش دخل ابو اهله في الفيزيا ولا الاحصاء ولا رياضيات .. انا انسانه ما احب الفيزيا ولا الرياضيات اقدر امشي في كل المواد الا دول خلاص معناها قدراتي مو حقت طب !! ياهوو!! قولوا كلام يدخل العقل وبلاش تناقضوا نفسكم ..

شوفي يا توتة كلامك صح % 100 ....

صراحه السنه التحضيريه صح أتعملت عشان تقيم الطلاب صح ....

بعد ما صار كل العالم يجيب امتياز ..... و يقفل التسجيل في التسعينات .....

لكنها في نفس الوقت ضرت الطلاب .... يعني مفروض يحلوا مشكلة التعليم من الأساس ...

مو يجيوا في سنه يبغوا يصلحوا تعليم ممكن نقول عنه سيئ لمدة 12 سنه ....

طلاب متعودين يذاكروا ملخصات و أسئلة مراجعه يجي منها الاختبار ....

و مدرس يذاكر لهم ..... طيب لو دخلوا طب من راح يذاكر لهم ؟؟؟؟

لا تزعلوا هذا شيئ لاحظته من المنتدى و من أسئلتكم و حتى من طالباتي اللي أدرسهم

للأسف بدون زعل طلاب يفتقدوا لأي مهارة ......

و الله ما تصدقوا قد ايش أنا مصدومه من مستوى بعض الطالبات

أنا عارفه راح تزعلوا مني ... بس هذه هي الحقيقة ( نفسي أتكلم أكثر بس مو قادره أكتب)


في الأول الطالب كان يدخل طب و يدرس سنه كامله - فيزياء و كيمياء و أحياء و ثقافة و لغة عربية .... صح دروس مكثفة .... أعتقد مواد كافية لطالب طب


هالحين يحددوا مصير انسان بسنه واحده ..

الله يعينك ....

قبل فترة ... سمعت ان الطب صار ترمات ..... شوفي معلوماتي مغبره

أسألي أحسن لو كذا احذفي الماده اللي حاسه أنها راح تنزل مستواك ...

بعدين خذيها في الصيفي ..

للمعلومية و الأمانه الرياضيات هي نفسها حقت الثانوي

و الفيزياء ما حبتها و لا فهمتها الا من الجامعه ...


و الله يوفقك