[فرحة]

Flooower
كيف حالك انتي معانا في القسم نور القسم والله ما اعرف اذا انتي فاكرتني ولا لاء كنا في السنه التحضيريه خططنا عكس بعض وساعدتيني في الاحصاء مرا

بنات الله يسعدكم انا السنه الي فاتت نزلت لجده وقت الاختبارات مع زوجي
بس هذا الترم زوجي العمل حقو رفضو يعطوه اجازه عشان ينزلني لجده
وانا طبعا دحين ما اقدر اوصفلكم كيف بذاكر
بذاكر وماني عارفه كيف راح اقدر انزل ومع مين لجده عشان اختبر
ففكرت اني انزل لسكن طالبات بعد ما سمعت انه السكن امان وان ادراه السكن لا تسمح بدخول اي شخص للسكن
الا طبعا النزيلات
بس عندي مشكله وحده وهي اني اخاف انزل لوحدي
ابغا احد يكون معايا
الي فيكم تعرف وحده من الطالبات نازله في سكن معين ياريت تقولي ع اسم الطالبه واسم السكن
عشان احجز فيه
او الي تكون عارفه نفسها تبغا تنزل في سكن للطالبات ياريت ترسلي علي الخاص عشان اتواصل معاها واحجز انا وهي والدفع يكون بالباي
انا ليا اخت تدرس معانا بالجامعة في الطب ماشاء الله بس السكن حقها رفضو يسمحولي بالنزول معاها في نفس الغرفه قوانينهم كدا
ماابغا اطول عليكم اتمني منكم يابنات كلكم تردو عليا وتساعدوني في هذا الموضوع يعني الي تقدر تسأل صحباتها الي من خارج جده اذا يبغو ينزلو معايا في السكن ياريت ما تتأخر
وانا عارفه وواثقه من منتدانا ومو اول مرا اجرب اطلب مساعدتكم وكلي ثقه فيكم ما راح تقصرو
بس ابغا ردودكم ليا تكون علي قد ما تقدرو سريعه عشان اقدر اعرف كيف راح ادبر اموري اذا ما لقيت احد ينزل معايا في السكن راح اكنسل وااجل الترم دا بس التأجيل له وقت محدد ما ابغا يقفل باب التأجيل
يعني والله مرا حايسه



اختكم فرحه المحتاسه