الوقت حسيتو عالقد
يادوبك ينتهي و أقلب للقسم التالي
و الطريف في الموضوع إنو جبتلي معايا بسكوت لأني ما اتغديت قلك آكل هناك هههههه 
مافي وقت حتى أرفع عيني من الورقة
كنت في صراع مع الزمن
وحتى مع الجاكيت و برضو البرد مالو حل 
بصفة عامة الاختبار الحمد الله جيد مو مررة سهل و لا مرررة صعب
كثيرة القطع حسيتها
و الله و هيا أكثر شي أخدت من وقتي
يعني اللي متمرس بالإنجليزي أتوقع مرة حيتونس بالاختبار
بأحاول أتذكر شي من الأسئلة ( اللي حيجي في بالي حأكتبوا مو شرط بترتيب نوع الأسئلة )
the paragraph is a group ot-------- (sentences)
(somebody ) was born in ---------- in 1998
طبعا مو المفروض يكون شي في الفراغ الجواب أتوقع فاي
--------
في قسم الاستماع
في مقطع كان شخصين بيتكلمو في المطعم و كان واحد فيهم بيسأل الجرسون ايش نوع المأكولات بالمطعم و إنو طلب شيش طاووق على ما أعتقد و طلب له و لمرتو و بنتو ولدو
و الأسئلة على دا المقطع كانت:
فين المكان اللي دار فيه الحوار , طبعا المطعم (resturant)
و السؤال التاني : ايش نوع المأكولات اللي بيقدمها المطعم
(sea food , vigitarian food, varity of food ) الخيار الرابع نسيتو
أنا اخترت مختلف الأطعمة ما أعرف أكيد ولا لأ
و السؤال التالت: كم عدد الأشخاص أعتقد اللي طلبو (2و3و4و5)
انا اخترت 4 و الله أعلم
في مقطع تاني كان حوار بين شخصين و بيدور حول إنو واحد بيحجز في مكتب للحجز يبغا يسافر لكولالمبور- على ما أعتقد -و بيشوف الحجز و سعر التذكرة و أعتقد حتكون الرحلة ترانزيت و حينزل أول شي في دبي و كمان في بلدة تانية نسيتها - الموهيم - الأسئلة كانت:
على فين راح يسافر الأخ ؟ أعتقد الجواب كولاالمبور
و كم مدة الانتظار في مطار -ناسية طبعا- ؟ الخيارت ساعتين, أكثر من ساعتين, أقل من ساعتين, شي زي كدا
الجواب الله أعلم لأنو لما كان الراجل بيقلو على تفاصيل الرحلة كان بيوضح بالوقتو بيقولو حتوصل دبي الساعة كدا و حتقلع الرحلة تاني في الساعة كدا
و المفروض إني أسجل التوقيت لكن للأسف ما لحقت 
حتى و الله نسيت ايش اخترت
في مقطع تالت بين شخصتين ( فينك يا سيباويه  ) كانو في جدة مول أعتقد ( جدة مول من عندي ترى ) و واحدة تبغى تشتري تي شيرت أبيض دا أهم مافي الموضوع و بعدين بتسأل عن المقاس و مالمقاس و تقولها جيبيلي مقاس تاني و حكاية يعني و في النهاية السؤال : شو لون التيشيرت تبع الأخت؟
طبعا اللون أبيض
-------------
آه تعبت وانا بكتب
و ياليت اللي افتكرت شي من الأسئلة تشاركنا
و تصححلي إذا شي خرفت من عندي عادي
الموهيم نحاول نطلع بالأسئلة
بالمناسبة انا اختبرت بمجموعة 4 في الصف التاني 
اللي اختبرت معايا تقلي
راجعة لما أتذكر أكتر
|
للاسف الاستماع كان سهل مع كدا حسيت انو لخبطت فيه
بالنسبة لعدد الاشخاص اعتقد انهم خمسة لانو طلب لولدين ولزوجيته ولبنتو !!
بالنسبة للسؤالين الي انتي كتباهم في الاول انا ما مروا عليا ابدا او اني نسيتهم !!
القطع كانو نسبيا سهلين يمكن اصعب وحدة قصة الاميرة انا لما راجعت لاحظت عندي اخطاء بس ما قدرت اصلحها لضيق الوقت
اتذكر كمان السؤال الاخير بالنسبة للجملة الناقصة اعتقد انها اول جملة في القطعة !