[همس المشاعر]

اختاري الاساسي لك من حيث تفوقك فيه -حبك واستمتاعك فيه

ومن تجربتي البسيطة

لو عضوية فهذا مجال واسع وومتع وفيه فروع مثل الحلقية الغير متجانسة والمنتجات الطبيعية والبولميرات و لكن يبغاله جهد مضاعف بالعملي

حاولي تسالي الدكاترة والبنات طبيعة الشغل وطبيعة العملي وانا اشوف انه من امتع الفروع بصراحة


بالنسبة اللثلاث التخصصات : الغير العضويه والتحليليه و الفيزيائيه
هما كلهم مرتبطين ببعض ..

بالنسبه لو كنتي تحبي غير عضويه لازم تدرسي كورسات مكثفة تحليليه
بالنسبه هذي التخصصات نظيفه وبالذات التحليليه والفيزيائيه ..
هذا بصفه عامه
لازم تعرفي ان كل تخصص تندرج تحته كمان تخصصات ..
مثلا الغير عضويه ,,,يندرج تحته الاورقانوميتالك " وهذا شغله مثل العضويه بالضبط "
kinetic " وهذا التخصص مشترك مع الفيزيائيه بشكل كبير "
transition ] " شغل عادي ومرتب ولكن تقليدي " وهو عباره عن تحضير كمبلكس ودراسه الخواصها الفيزيائيه

اما بالنسبه للتحليليه .. على حسب توجيه المشرف في اي موضوع تشتغليه ممكن يكون تحليل كهربائي او كروماتوغرافي وهو الدارج ..طبعا هنا لازم تمري على كل تقنيات التحليل ..

اما بالنسبه للفيزيائيه هو يشمل ايضا على :
الحركيه kinetic " دراسه التفاعلات بالنسبه للزمن " , انتقال الشحنه charge transfere
surface سطوح وحفز : مجال دراسه خصائص سطح معين " مثلا يمكن تحضير عامل حفز " catalyst" وتدرسي خواصه السطحيه وهذا المجال ممكن يكون هندسه كيميائيه وممكن .,. تخصص يمكنك من الدخول في مجال النانو
النوويه : وهو تخصص جديد ,,بس حسب الدكتور هل هو متعاون معاكِ يعني من ناحيه عدم تعرضك لمواد مشعه ..
لانه ممكن دراسه هذا التخصص فقط نظري بدون مايكون انتِ اللي تشتغلي العملي .
التاكل : تخصص لاباس به انا شخصيا لا احبذه لانه كانه كيمياء كهربيه فيزيائيه وهو تخصص كلاسيكي ... وليس جديد ولكن كل شخص وميوله
الثرموديناميكا .. بالنسبه لهذا التخصص ظريف ولطيف وحلو واكثر البنات اللي يدرسون فيزيائيه كانت تخصصاتهم ثرموديناميكا وهو من اهم العلوم اللي تتعلميها الصراحه ...سهل جدا جدا

بس هذي معلوماتي المتواضعة

واتمنى انها تفيدك