السلام عليكم ورحمة الله وبركاته
مثل ماتعرفون جدولنا مزدحم احنا اصحاب التجارب مستوى 3
عندنا قانون تجاري , ثقافه , محاسبه , نظم معلومات , ادارة موارد بشريه , ادارة اعمال
اولا محتاجين نصائح بالي مريتوا فيه من هذي المواد
طرق مذاكرتها من كتب ولا ملخصات خصوصا نظم المعلومات افيدونا 
طرق الاسئله بالاختبار هل هي نفس السنة التحظيري اخياري وصح وخطأ ولا مقاليه
الي عنده اسئله الاعوام السابقه للمواد هذي محتاجينها
الله يجزاكم كل خير ويوفقكم في الدنيا والاخره ساعدووووووووونا
|
بسم الله والصلاة على رسول الله سيدنا محمد وبعد....
أولاً أختي حياك ...أنتِ وكل أسئلتكِ ؛
............
ثانياً / فيه كلمة مهمه بكتبها لكِ ..ومهم جداً إنك تأخذينها بعين الإعتبار
( موادكِ أغلبها مهمة لكِ في فهم مواد راح تمر عليكِ في المستويات اللي بعد مستواكِ الحالي )
يعني عندكِ مثلاً ( ادارة الموارد البشرية ) هـ المادة ترا جداً جداً جداً سهله ...ماعليكِ بحجم الكتاب حقها ...لا وربي إنها سهله لأن كلامها عملي ويمر علينا في حياتنا اليومية .. مثلاً شخص كيف يدخل الوظيفة ...كيف يمر بمراحل التدريب اثناء قبوله للوظيفة ايش انواع التدريب ....بعد ما يتدرب كيف يترقى ....كيف يتقاعد ...إلخ ......الشركة اللي بيشتغل فيها الموظف ايش تعمل عشان تحافظ على موظفيها ..اكيد بتعطيهم محفزات ...طيب ايش هي المحفزات ..كيف طرقها ايش انواعها ...إلخ
بــ إختصار المادة ممتعه وكلامها يرسخ في الرأس مباشرةً ...انا ذاكرتها بشكل عشوائي وجبت فيها 85 وانا قد اخذت المادة في ترم صيفي يعني في رمضان وفي عز الزحام والإنشغال ..
فلا تخافي منها ابداً ....
وبكرر فهمك لــ مادة ادارة الموارد البشرية ..راح يريحك بــ فهم مادة اسمها تنمية وتخطيط الموارد البشرية ......المادتين يعتمدو على بعض ..وتقريباً نفس اللي موجود في المادة الأولى موجود في الثانية بنسبة 80%
...............
نجي لمادة المحاسبة ...
هالمادة قبل ما أخذها كنت أقول ( والله لو افحط ثلاث سنوات ما اعديها ) من كثر ما سمعت عنها وعن صعوبها ...ولما أخذتها وجدتها مادة ( سهلة جداً ) وما بقول هــ الكلام لأني عديها وإنتهيت منها لا والله بقوله بــ صدق ومنطق المادة جداً سهله وأهم شيء فيها إنك تعرفي ايش الأشياء اللي تدخل تحت مسمى أصول ...وأيش الفرق بين الأصول الثابتة والمتداولة ............وكمان ايش الخصوم وايش الفرق بين الخصوم المتداولة والثاتبة ......وايش يعني حقوق ملكية ...وايش راس المال ...وكيف نحسب الدخل .... وقبل كل ذا تعرفي ايش معنى دائن ....ومعنى مدين ....ومتى نقول دائن للمبلغ ومتى نقول عنه مدين ....وكيف نسجل فقرات المسئلة في دفتر الحساب .....وتعرفي كمان ايش دفاتر الحساب الموجودة وايش الفرق بينهم ......إلخ
فيه أساسيات لو عرفتيها راح تحلي أي مسئلة ....بس يبغالكِ تعطي المادة حقها ...
ومهم جداً ..جدا انك تفهمي المادة تماماً ....لأن فهمك لها راح ..يريح في مادة محاسية 102 ..لأنها تعتمد على فهمك لمحاسبة 101
................
طيب نجي الأن لمادة القانون التجاري
هـ المادة شوي فيها كلام طويل لكنه مرتب ...يعتمد على فهمك لشرط الشركات ...وأسماءها ...وكيف الإنسان فينا ممكن يفتح شركة ...واذا فتح شركة ... هل لازم يسجل كل العمليات اللي تصير في شركتك ( اقصد البيع والشراء ) طيب فين يسجلها في دفاتر يومية ..طيب هـ الدفاتر ايش انواعها ...وهل كلها مهمه ...وكيف ممكن يعمل سجل تجاري ....وايش هو السجل التجاري .....وهـ السجل هل هو شرط على كل الناس اللي يفتحو شركات .....ولما تعرفي انواع الشركات واسماءها تعرفي شروط تأسيسها .ولو مات احد المؤسسين ايش راح يصير كيف تتوزع تركة ا لشركة ....إلخ
فهمك خصوصا لأنواع الشركات مهم جداً لأنك راح تقابلي بعد كذا مادة اسمها محاسبة 102 راح تلاقي فيها قسم كامل عن الشركات وراح تواجهك مسائل ما راح تقدري تحليها صح لو ما إنتِ عارفه ايش شروط تأسيس الشركة ( الفلانية ) ...يعني مثلاً في المسئلة يجيك شركة تضامن ....طبعا انت درستي في القانون التجاري .... ايش معنى تضامن وكيف تتأسس إلخ ...
...................
نظم معلومات ادارية مادة مال أمها داااااااااااعي غبية ( بس سهله )
تتكلم عن ثلاث اجزاء
الجزء الأول كمبيوتر ...ومكوناته
الثاني انواع قواعد البيانات
الثالث كيف ممكن نستخدم الكمبيوتر في الإدارة وهذا هو اهم قسم في الكتاب
.........................
الثقافة الإسلامية إلى الأن انا درست 101 ....201 ..........301
كلها كتب مفيدة ....ومقرراتها ممتازة ....وكثقافة اسلامية جداً رائعه وبصراحة استفدت منها كثير وانصحك مواد الثثقافة الإسلامية بــ الذات لا تذاكريها عشان بس النجاح ...والدرجات ...لا ذاكريها عشان نفسك ...وثقافتك الشخصية في امور الدين والشريعه
............
دعواتي لكِ بالتوفيق في الدنيا والأخرة