رد: المستحيلااات ال10 في مهنة التمريض
والله يا mdmr لو تشوفي من حولك تحصلي كل شخص صاحب مهنة يشتكي ، يعني الأطباء والطبيبات يشتكون ، والمعلمين والمعلمات يشتكون ، والمهندسين والمهندسات يشتكون ، حتى عمال البلدية لو يمديهم يشتكون إشتكوا بس طبعاً كلٍ يشتكي بحسب الوضع اللي يعايشه ، نادراً تحصلي شخص يقولك أنا مرتاح في عملي ، ولعلمك ترى اللي يشتكون يحاولون يضخمون السالفة عشان يظهر الموضوع أنه ذات أهمية.
مسئلة الدوام الثابت هذا شيء مستحيل في المجال الطبي عموماً وليس مقتصر على الممرضين والممرضات فقط ، حتى الطبيب والطبيبة اللي يعتبرون رأس الهرم في المستشفى دوام مو ثابت ، لكن مع الوقت ممكن يصير الممرض أو الممرضة رئيس التمريض أو يكلف بعمل إداري فيصير دوامه ثابت.
مسئلة النقل من مستشفى لآخر ، أولاً التعيين يكون بناءً على إحتياج المستشفيات مو معقول أنو كل الممرضين يتعينون في المدن الرئيسية وتبقى المناطق الأخرى بدون ممرضين ، أما النقل فهو متاح رسمياً لكنه صعب جداً وياخذ وقت طويل ، بالتالي منسوبي وزارة الصحة خلقوا لأنفسهم نوع من جديد من النقل مستغلين نظام البديل (الدقيش) ودخلوا الفلوس في الموضوع صار اللي يبغى ينقل مثلاً من تبوك لجدة ، يعرض لموظف في جدة مبلغ وطبعاً مع زيادة العروض وصلت المبالغ زي ما يقول لـ 80 ألف ، مع إني أشكك في صحة الرقم .
وبالنسبة لموضوع الزواج والعنوسة فهذي نظرة المجتمع وصعبة تتغير مو للممرضة بس ، بل لأي عاملة في المجال الطبي وأنا شخصياً لي تحفظ خاص على هالنقطة .
أما موضوع كثرة مرضى وقلة الراحة فبصراحة موضوع مضحك ، ومخجل أني أتكلم فيه ، المستشفى ما أنشئ إلا لعلاج المرضى وراحتهم وش المطلوب يعني نقول للمرضى لا تمرضون ولا تجون المستشفى عشان نرتاح منكم !!
وبالنسبة للإجازات والمواسم فعلاً فيه مواسم صعب ياخذ فيها الممرض وغيره من العاملين في المجال الطبي إجازة ، وهي المواسم اللي فيها ضغط عمل على حسب المنطقة يعني على سبيل المثال مستشفيات مكة في وقت موسم الحج والعمرة مستحيل تأخذ فيها إجازة ، وأنا أشوف هذا شيء طبيعي وأمر إيجابي ، وللمعلومية بعض الإدارات عند انتهاء المواسم وعندما يخف ضغط العمل يمنح الموظفين إجازة إضافية في الأوقات الأخرى غير أوقات المواسم اللي يخف فيها ضغط العمل كنوع من المكافئة .
وبالنسبة للأعمال الإضافية التي يكلف بها الممرض كأن يكلف بأن يكون مسئول إستقبال أو يكلف بترتيب الأسرّة ، أنا أقولها لكم والله العظيم ما أحد يقدر يغصبك على أنك تقوم بشيء خارج إطار مهامك وإختصاصك حتى وزير الصحة نفسه ما يقدر ، وبإمكانك ترفض وتمتنع عن القيام بأي مهمة مو من مسئولياتك .
أما موضوع إجازة الخميس والجمعة وأن الموظف ما يأخذها بشكل ثابت أرجع وأقول أن نظام الورديات شي أساسي في المجال الطبي ، برضه يعني تبغونا نقول للمرضى لا تمرضون يوم الخميس والجمعة عشان نأخذ إجازة ؟!
أما إن الممرض يدخل في أي مشكلة ، ياناس حدثوا العاقل بما يعقل ! يعني الدكتور صرف علاج خطأ نجيب الممرض ونقول ليش؟
النقاط الأخيرة صراحة ما فهمتها لكن واضح أنه يقول أن المريض دائماً على حق ، الحقيقة مو المريض دائماً على حق ، لكن دائماً يحاولون إرضاء المريض تقديراً لظروفه .
|