وحشتوني ... يارب يفتحها عليكم يابنات ويرزقنا واياكم الرزق الحلال الطيب
بنات معليش داخله عرض بس امس سمعت حلقة من حلقات قانون الجذب للدكتور صلاح الراشد ... يقول أنت نتاج فكرك : بداية كل حقيقة فكرة والفكرة تشكل مصيرك القادم
تخيلوا معايا ان الوزارة قبلت كل المقدمين على الوظيفة يعني 223 مرشحة والله الفكرة حلوة هههههههههههههههه دقيقة خلوني اكمل التخيل ركزوا معايا
تخيلوا جميع المرشحات تم قبولهم
واول يوم دوام كل البنات لابسين اللبس العملي ومتجهزين لاول مهمة والنفوس حلوة والابتسامات
و هذة اختنا مدرسة حاسب تسلم على منتسبة و عبير جالسة تسلم على البنات وتتعرف على حبيبة امها و صاحبتي في العمل ويتكلمون اكيد عني وعن لقافاتي ههههههههههه وكمان بعض اللي كانوا معاها في المقابلة
وهذولي بنات المنتدى جالسات يتعرفون على بعض منهم أوزلام لابس بدلة رسمية مع اشارب وردي
و يبدا الدوام وقسموا الموظفات
(خلاص الحين انتم موظفات مو مرشحات)
على مجموعات لحضور اول تدريب
كان التدريب كيفية استقبال الضيوف الدوبلوماسية والشخصيات القيادية وجالسين يشرحون لكم كيف اللقاء الصحفية وكيف يتم ويذكرون موقف بوش والجزمة هههههههههههههههههه (طبعا نضحك بين انفسنا لزوم العمل )
والمجموعة الثانية عندها تدريب في البروتوكولات و القوانين الدولية وهذة عاشقة السياسة مع المحاضرة تستوضح منها بعض الاشياء ... وفي البريك مرة ثانية يتم التعارف مع بنات المجموعات وهذة اوزلام تتعرف على عبير وعبير تعرفها على زميلاتها الجداد وهذة مدرسة حاسب مع منتسبة يضحكون على موقف بوش ويرجعون بعد البريك لتكمله باقي التدريب و هذة بنات المجموعة الاولى يتبادلون الارقام وبنات المجموعة الثانية مثلهم و ينتهي اول يوم دوام والكل فرحان ومبسوط
الحين ركزوا معي ... بعد ما تتخيلوا على طول اعملوا فلتره ومسح لكل فكرة سلبية في ذهنك زي ( معقول الكل حينقبل - لا لا لا انا ممكن ما اكون من المقبولين - في الاحلام يا لافندر - هههههههه مستحيل يقبلون هذا العدد - يووووووه انا ما سويت كويس في المقابلة - انا محبطة - محد حيختارني - والله المقابلة كانت شديدة والدكتورة اللي عملت المقابلة مع مانزلت لها من زور - انا غسلت يدي من الوظيفة من يوم المقابلة )
ليش السلبية ... من جد ليش السلبية !!!
قانون الجذب ينص على الشبيه يجذب إليه شبيه .. بمعنى القانون يستجيب لأفكارك سوى كانت ايجابيه ام سلبيه بمعنى انك انت مغناطيس لهذة الاشياء
بنات ممكن تجلسون وتقولون ايش الخرابيط هذة والخزعبلات طيب اوكي بس ممكن لحظة او دقيقة اوضح الموضوع
قانون الجذب الاسلام اول ما دعى اليه قبل ماتكون في حضارة في الغرب و دعاء لحسن الظن بالله طبعا اللي متابع الموضوع من اول كل المرشحين قدموا على الوظيفة اخذوا الاسباب وتوكلوا على الله وعملوا واجتهدوا وحلوا واجتازوا الاختبار وعملوا المقابلة اولى ومقابلة ثانية بمعنى عملوا بمبدا التوكل على الله .. طيب وبعدين ولا شئ ننتظر الفرج
صح ننتظر الفرج لكن معظم الناس هذا اذا ما كان كلهم ينتظرون الشر
طيب الحين اسالي نفسك
وين ثقتك وايمانك بالله ؟
وين ايمانك بنفسك وبقدراتك ؟
وين الخير اذا انت متوقعه الشر - تقعدي تقولين ما ابغى اتخيل او افكر حتى لا ينكسر قلبي لو ما جاءت !!!
هلوووووو وين العرب مروحين مدام اجاباتك لكل الاسئلة موجود اذا عيشي الحلم والتخيل و قدمي التفائل والامل والله الرزاق
سؤال خاص هل يعجز الله انه يرزق كل المرشحات بالوظيفة يعني كل اللي مقدمين اللي عددهم اكثر من 230 حيعجزن الله انه يعطيهم الوظيفة ؟؟؟
انا بصرخ بصوت عالي واقول
لا
لا
لا
لا
اذا ليش نعيش الشر والخوف والقلق على فشل محيصير
في النهاية حقول لكم ... احسنوا الظن بالله ... الله محيضيع تعبكم للسنة كلها بس انتم ثقوا وامنوا بالله و انا اقول لكم حيجكم الفتح
تفائلو بالخير تجدوا