[MesSsk]

المشاركة الأصلية كتبت بواسطة سدر المنتهى حياكِ الله أختي messsk أول شيء ياعسل أنتي اليوتيوب يشتغل معاكِ ولا لا ؟؟ ثاني شيء ادخلي من غوغل واكتبي منتديات انجلش فور عرب وبعدين ادخلي دورات المنتدى التعليمية المجانية بعدين أدخلي أساسيات اللغة الإنجليزية كما بثت على قناة a1tv الفضائية .. وإن شآء الله تشتغل معاكي لإني شيكت قبل قليل واشتغلت معاي الحمدلله .. وإذا ما أشتغلت معاكِ مو مشكلة روحي للدورة الثانية المهمة والمفيدة واكتبي الإنجليزية لكل العرب وبعدين ادخلي يوتيوب لتعليم اللغة الإنجليزية واختاري تعلم الانكليزية بدون دورات وبدون سفر والله الله بالتركيز والكتابة معاه كل شيء يقوله ويكتبه لأن أسلوبه سهل وحلو وممتع بس أهم شي تكتبي كل شيء وبعدين لما تجي تنقليه من الكشكول للدفترك الخاص فندي المعلومات ورتبيها وقسميها وكمان لاتنسي التلوين والتنظيم عشان تنفتح نفسك .. وبعدين أي كلمة انجليزية كتبتها من الشرح أي كلمة خذيها وترجميها عن طريق كتابتها في شريط قوقل حق البحث العادي وحتلاقي كلمة ترجمة فوق جنب كلمات من ضمنها صور وخرآئط وأخبار حتلاقي كلمة ترجمة من ضمنها اضغطيها وتأكدي أن يترجم من الانجليزي للعربي وأنا اخترت ترجمة قوقل لإنها واضحة وكمان نطقها واضح وحتجيكِ معناها وكمان فيه سماعة صغيرة اضغطيها واسمعي نطقها أكثر من مرة واكتبي نطقها بالعربي بالمرسام جنب الكلمة يعني أي كلمة مانتي عارفة نطقها أو معناها في دفترك الخاص على طول ترجيمها وكذا بإذن الله حتضربي عصفورين بحجر ترجمة ونطق وقواعد ... والله يوفقك دنيا وآخرة وإذا اشتغل الرابط طمنيني ..

كانت المشكلة ..ماتفتح معاي فيديوهات خالد الخطيب ..لكن الآن الحمدلله فتحت بحثت باليوتيوب ولقيتها



الله يجزك خير .. والله حمستيني ،، ان شاء الله ببذل جهدي وببدأ قريب والله يقدم اللي فيه الخير

وأبدأ لا تفكري اننا ممكن ندعي عليك يالغالية لو ماجاوبنا .. بالعكس كل واحد راح يشوف نتيجته على قد مجهوده في المذاكره ومستواه اللي وصل له ,, (صحيح اننا نطمح لدرجة عالية ،،لكن نفكر بشئ من الواقعية على حسب مستوانا راح ناخذ النتيجة وانت مالك ذنب )


الله يوفقك بجد حسستيني انك اكثر من أخت الله يعطيك على قد نيتك ويرزقك بكل اللي تتمنية عاجلا غير اجل