[jolya]

اولا
اشكرك على موضوعك الذي يحمل في طياته كل الحب والامتنان والايجابيه
فعلا اكثر مايذكر هو العيوب ولكن المزايا الحميده ليس لها مساحه وانتي بدأتي بها فجزاك الله كل خير
ثانيا شهادة شكر وتقدير لكل من علمني حرف او معنى او وصف فادني في حياتي سواء كثرت محاسنه او قلت
ولي في ذكر الأسماء شكر وتقدير والشكر لله اولا واخير
أ / حياة راجخان استاذه اخلاااااااااااااااااااااااااااااااااق واتحدا اي احد يقول غير كذا عندها هدف وطموووح وتحاول توصلنا هذا الطموووح وتبغانا نصير في المراتب المتقدمه علميا وعمليا ودايما تحاول تزرع فينا حب العلم والعمل والله والله والله اخذت مادتين معاها الترم اللي فات وكنت اقول هذي الاستاذه مع احترامي الشديد لها مبالغه مافي احد يبغى يكون مثالي او حتى يقدر انه يكون مثالي بس الحين ومع التطور العلمي اللي وصلتله بفضل الله تأكدت انه معاها الحق وكل الحق لازم الواحد يسعى زيثابر ويحلم مع العمل والجد انه يوصل للمراتب العاليه وبعد مشيئة الله وارادته رح يقدر ان شاء الله :)
أ / هيفاء عبد الفتاح ما مر علي الى الآن في الجامعه احد حقاني زيها تعطيك حقك ولا تظلم اسال الله ان يعطيها خير الدنيا والآخرة
أ / سارة بكر في قمة النشاط وتوصل المعلومه بكل تفاني واخلاص وانا احب المحاسبه منها ودايم اقول ان المحاسبه سهله مع ان اللي مادرس عندها يشوفوني غلطانه مره مع احترامي للجميع
أ / نورا النجار في مصلحه الطالبه وتحسينها تعامل الطالبات كأنهم اخواتها ياليت الكل زيها وفي عمرها والله رح نرتاح كثير
أ / اكرام كانت تعطيني قانون اداري الماده مو سهله ابدن بس هي تشرح من قلبها ماشاء الله ومحترمه واخلاقها عاليه
د / رجاء الشريف هذي الدكتورة ماشاء الله تأثيرها قوي عليا ممكن كثير ما يوافقوني بس هي تسعى لأن نكون افضل دايما وكلامها منطقي مره واحس شرحها سلس :)
أ / مها برادعي اخلاااااااااق اخلاااااااااق اخلااااااااااق ومحترمه ومحاضرتها لاااااااااااتمل الله يسعدها دنيا واخرها ولا يحرمها الاجر والسعاده توصل لك المعلومه بطريقه ممتعه وحيويه وتحاول قد ماتقدر تخلي الكل يتفاعل اخذ معاها محاضره وقتها متأخر من 2 ل 3.20 بس والله عالتعب نحضر معاها ونكون في قمة تفاعلنا

وكما ذكرت سابقا للجميع كل الشكر والتقدير واسأل الله التوفيق والصلاح للجميع ودمتي بحب وسلام يانبض الحياة على هذا الموضوع الرائع :)