جلست أفكر لك على حل خونفشاري ممكن يساعدك <<مصدقه نفسها انها ام الحلول ..
دحين انتي سنه ثاني أكيد إتعرفتي لك على بنت كدا حبوبه أو طيوبه او أي شيء
أنا قصدي لو تطلبي من هالبنت انها تساعدكي كل أسبوعين مثلا تعطيها لسته بأغراضك
وهيا تجيب لك هيا من السوبرماركت للسكن عارفه بتقولي لي ومن فين ألاقي بنت
بتسوي لي هذا كله بس صدقيني في بنات طيوبات ...
أو مثلا دحين في ساروا كثير يتعاقدوا مع اللوموزينات لو تتعاقدي انتي معاهم بحيث
يجيب لك كل اسبوعين أغراض لكي من برا
أدري
انو كل أفكاري هبله بس حاولي تفكري بأي طريقه إنو أحد يجيب لك أغراضك ولمن يشوفوا
إنو أغلبية البنات ساروا يجيبوا من برا وماحد ياخذ من عندهم ويشوفوا الميزانيه كيف سارت
على الحافه بيحسوا على دمهم <<أخاف بس يطلعوا قرار ممنوع تشتري من براا
يسووها صراحه
المهم دحين جايه اجازة الحج وأكيد بتروحي عند أهلك لاترجعي الا وانتي معفشه بالأغراض
جيبي وخزني وبيعي للبنات
ههههههههههههههه أمزح المهم جيبي لك مؤونه تكفيكي لمده كبيره والحاجات اللي ماتنفع تتخزن
هادي اشتريها من البقاله الحراميه اللي عندكم وترا في بعض اللي عندكم بالسكن لهم عمام أو خيلان
برااا يعني بيقدروا يساعدوكي قولي مثلا وقت ماانتي تبغيهم يجيبوا لك شيء ابغاكي تجيبي لي معاكي
بعض الأغراض زي كدااا ومثلا اللي بيجيب لك الأغراض أعطيه 50 أو 100 ريال على مساعدته
أدري اني بربرت كثيير بس والله حالكم يحزن اللي مايحزن أما فتحيه دي حقكم ياويلها من الله ان الله يهمل ولا يمهل اتذكري هذا الشيء
داااائما ..