[شموخ تهامة]

بسم الله الرحمن الرحيم

السلام على الجميع

وش اخبار امورات واشناب الجامعة=عساكم بخير
بصراحه انا وحده احب اللغه الإنجليزية=بالله
حاولت اتعلمها بشتى الطرق وتعلمت الشيء البسيط صدقوا يوم قالوا العلم في الصغر كالنقش على الحجر
والعلم في الكبر كالنقش على الماء ان شاء الله مانكون منهم


احس اني تايهه بالجامعة لأني انا وكثير غيري ماتأسسنا صح

في الحقيقة والواقع=اخلصي
طيب بخلص بس اللي ابي اقوله ان تعليم اللغة الإنجليزية عندنا في السعودية لم يوفّق إلى الآن ..
تلقى التلميذ يتخرج من الثانوية مايميز بين الكلمات
بمعنى نعمه اذا حفظ الحروف=خخ
واقع مرير
الغرب بيسنترون عاالقمر
واحنا ننتع في الانجليزي يبي لنا تغيير بواجي=هع

كثرت المعاهد وكثرت معها الشكاوي واغلبها مال امها داعي=عصبت وخروا ..
ولكن رأيت=نظرت=شفت اللي تحبون
أن فيه طريقة سهلة ميسرة يقدر كل طالب وطالبة يسوونها وهي أن يبدأوا في قراءة كتاب تبسيط اللغة الإنجليزية لمؤلفه عدنان نعيم
او غيره
ويتعلم فيها ومايفوّت أي كلمة أو صفحة حتى يتقنها .. وبعدها راح يكون متقن للغة الإنجليزية بإذن الله..
وهناك بعض المواقع المتخصصة في المحادثات والقواعد وغيرها مثل هاالموقع

http://www.college-help.org/Grammar_files/frame.htm


ومن كان لديه طريقة لتعلم اللغة الإنجليزية بسهولة فليذكرها وله بإذن الله أجرها .

أسأل الله التوفيق للجميع .. وأن ينفع بكم الإسلام والمسلمين=قولوا آمين
يالله مع السلامة