الاخوان الاعزاء ابي رايكم في المواد هاذي لاني ابي اسوي الجدول وما عندي معلومه عن مدى مستوى صعوبه هاذي المواد
bus102 السلوك الانساني في المنظمات
مادة نظرية سهله جدا وهذا الترم نازله الماده مع الدكتور نبيل مرسي وكويس ، ودائما الاسئله تتكرر بنسبه 90 % وفيه مذكره ام رنيم جاء منها 90 بالميه في الاختبار
bus103 اداره الاعمال بالانجليزي
ماده متوسطه الصعوبه وافضل مذاكره لها من مذكره هاني عرب ومذكره الاستاذ امين مذكرتين مدموجه في بعض وهي نفس ماده مبادئ اداره الاعمال ولكن باللغة الانجليزيه ونازله مع الدكتور ناصر كدسه والدكتور عسل
bus211 مبادي تسويق
مادة نظرية وممعته وتعتبر سهله نوعا ما
bus340 ماليه شركات
ماده عمليه ودسمه ولازم تذاكرها من بدري وتتعود على حل المسائل بأسرع وقت ممكن لانها نازله مع الدكتور طويرش ووقتها جاب لنا من كل باب سؤال والاختبار كان طويل جدا والوقت مايكفي عشان كذا لا بد انك تتعود على حل اكبر قدر ممكن من الاسئله والتمارين عشان ماتنصدم بالوقت في الاختبار ، واذا تقدر تجيب فيه مدرس خصوصي يكون احسن .
والماده هذي لازم تسجلها في ترم واحد مع محاسبه 102 لان فيه مواضيع كثيره متكرره بين المادتين ، وايضا الماده تعتبر متطلب لماده الاستثمار والاداره الاستراتيجيه عشان كذا لازم تاخذها بدري ولا تتأخر فيها
acct102 مبادي المحاسبه (2)
ماده تعتبر اسهل من محاسبه 101 واذا انت فاهم كويس محاسبه 101 ماراح تلقى اي صعوبه في هذي الماده وفيها جزء عملي ونظري ولازم تركز فيها
econ اقتصاد كلي
انا اشوف انك تحذف هذي الماده وتخليها للترم الجاي لان الماده دسمه ويوجد بها نظري وعملي وليست متطلب لاي ماده في المستويات القادمه ، وانت كفايه عليك مادتين عمليه وهي محاسبه وماليه شركات
فالافضل تحذف الماده وتسجل بدالها لغه عربيه 2 وتعتبر ماده سهله جدا جدا جدا عشان يكون جدولك فيه توازن مابين مواد صعبه وسهله ونظريه وعمليه
ابي رايكم ولكم دعوه في ظهر الغيب