[M!sS chocolate]

اليــــوم حتكلم عن مــــوضوع أبغى رأيكم فيه وأتمنى ومن كل قلبي إنو يتطبق في يوم من الأيــــام
ومايكون مجرد موضوع يتقرا وتتنســـى حرووفه ...

الدراســـــــــه بلغة الغرب بدل من لغتنــــا ...

في البدايه كانت الطب والأقسام الطبيه فقط اللي بالإنجليزي والباقي عربي أما الآن
كل ماله العلم من أزفت لأزفت قسم الإداره والإقتصاد عالسنوات الجايه حتتحول
فيه الدراسه بالإنجليزي جغرافيا انجليزي تاريخ انجليزي شويه شويه كل الجامعه
بتدرس انجليزي طبعا انا اتلكم عن جامعة عزوز ماأدري عن الجامـــعات الثانيه ..

قريب كنت أتناقش مع دكتوره عن هذا الموضوع تصدقوا اش قالت لي
أيام ماكانت تدرس وزعوا عليهم ورق اش رأيهم لو تتغير الدراسه وتسير كلها بالعربي
كتبت أواااااااااااافق وللآن ماسار شيء هيا نفسها وهيا دكتوره معترضه على هذا الشيء
ومعترفه انو غلللللط ...

الرسول صح قلنا اتعلموا لغة غيركم عشان نأتمن من مكرهم أوكي ندرس انجليزي
جرامر - فوكابلري- برجراف للآن تمام كله تعليم لكن انو نسير نعرف كل شيء عن حياتنا
بلغتهم كدا غلط ...

وحده طالبه طب بشري كنت بقولها عن هذا الشيء قالت لي تصدقي دحين أنا جالسه أطبق
في المستشفى لمن أجي أبغى أقول للمريض عن مرضه بالعربي ماأعرف أنا أعطي من هنا
وصحبتي تعطي ونجمع له كدا كلمات ملخبطه هذا اللي نقدر عليـــه فالدكاتره قالوا لهم أرجعوا
أقروا من ثاني وأعرفوا كل شيء بالعربي طيب ليش مو من البدايه تكون دراستنا عربي
أعرف اش داخل جسمي من ايش يتكون بالإنجليزي طيب والعربي وين رااح ساروا بعض الطلاب
يحفظ لك الإنجليزي تجي تقولي له طب اش يعنى بالعربي الشيء هذا اللي تقوله يقولك ماأدري
ولو جا ترجمها تجي متلخبطه الجمله ....

قارنوا بين تعليمنا وتعليم الغرب اش السبب لأنهم جالسين يتعلمون بلغتهم مو بلغة غيرهم
وبني آآآآدم مايتطور ويبدع ويبتتكر الا بلغته ... برااا أخذوا علمنا القديم (ابن سينا - ابن النفيس -
الخوارزم ) وفكتبهم موجوده أسامي علمائنا المسلمين ومعترفين انو أساس علمهم من علمااء المسلمين
ولازالوا يشكرون فيهم أخذوا كلامهم وعلمهم وطووره
واحنا نووووووووووووم ندرس وندرس وندرس وفي النهايه أخطاء طبيه اش السبب لأنو تعليمنا
وأسلوب تعليمنا زفففففففت ...

برااا اللي في الإبتدائي يعلموه كيف يخترع احنا ياهااادي .. درووسنا مالها أي فاااايده بعكسهم هم
ندرس في الماده وبعد مانتهينا أسأليني أي سؤال عنها بقولك نسيت لأنو مالها فايده من الأساس
طبعا مو كلها بس في بعض المواد لو تنحذف يكون خير لنــا ..

[COLOR="rgb(153, 50, 204)"]والله مـــــــــاني عارفه اش نهـــــــاية العرب لمتى بنظل على هذا الحااال أنا كل غرضي
من الموووضوع لو تسير دراستنا بالعربي وعندنا ماده تدرسنا وتعلمنا اللغه الإنجليزي كدا تمام
لكن دحين اللي سمعته انو سارت بعض المدارس (المطوره ) تدرس كأنها دراسة جامعه
ماأدري اذا كمان انجليزي عز الله راحوا فيهـــا ...

في أمــــــــــــان الله ..
[/COLOR]