[واقعية]

المشاركة الأصلية كتبت بواسطة بحر الحرية أهلين أختي واقعية.. أنا ما راح أقول حسبي الله ع الجامعة لأني راح أكون ظالم، بس أقول حسبي الله على الموظف أو الموظفة أو اللي قلك مافي قبول لغير السعوديين، يا أختي أخويه جات فترة وكان مسؤول ف عمادة قبول وتسجيل، وكان يقول لهم قبول نظامي عن طريق التقديم، يعني مشاا الله 97 معدل تراكمي لطالبة غير سعودية أنا أقلك على إني ما أعرف كم النسبة اللي وقفواا عليها العام الماضي، إنك طالبة مقبولة لو تحققت بقية الشروط، واللي قلك إنوو مافي قبول كلاموو مو صحيح، ولو كان مافي، كيف بعض الطالبات الغير سعوديات اللي مقبولات ف الجامعة ردواا ف الموضووع داا إنهم انقبلوا؟! وحتى التحويل من انتساب لانتظام في لهم نظام، وشوفيهاا ف الرد داا: مضاد فعال للكآبة أتمنى ياارب إنك تحولي للانتظام لو فيه خير ليكي، وأصلا إنتي أهم شي إنك اجتهدتي وقدمتي اللي عليكي، واللي جاوبك وهواا مو عارف وجاوبك من راسه حسبي الله عليه، لأنوو الإنسان إداا ما يعرف لازم يسكت ويقول ما أعرف، يعني والله حتى أنا ساعات أخاف أجاوب على سؤال ويكون تغير نظام أو شي كداا، فلو شكيت ولو حاجة بسيطة على طول أقول لازم تتأكد من كلامي ولازم تسأل ولازم تستفسر.. لأنوو دي حياة ومستقبل بشر زيي زيهم، زي ما أكره إنوو أحد يجاوبني بجواب مبني عليه مستقبلي وهواا ما يعرف، ف المقابل غيري ما يحب الشي داا أكيييييد.. لا تنسي حاجة مهمة: أكبر غلط إنك تجي تسألي إنسان مو متخصص وانتي تعرفي إنوو مو متخصص، يعني غلط تجي لدكتورة ف الجامعة وتقولي لهاا في قبول لغير السعوديين؟!! هياا غلط منهاا تجاوبك على السؤال بدون معرفة، لكن كمان انتي تتحملي جزء من الغلط إنك سألتي الشخص الغلط.. بس خليكي واثقة مدام اجتهدتي إنوو داا الخير اللي ربناا يبغاه ليكي، وكمان لو تبغي تقدمي على الحويل للانتظام مافيهاا شي لو كان مسموح دحين، أي شي ف العالم نبغاه لازم نقدم الأسباب ونجتهد فيه، ولو فيه خير ربناا راح يقرب الشي داا مننا، ولو ما فيه راح يبعده سبحانه عننا.. الله يوفقك ويسهلك يا أختي ويكتبلك كل خير ياارب؛؛

والله ماشفت انت كيف اسلوبهم كني جاية اشحتهم كرهت كل الدراسة حتى وانا انتساب وياليتها وحدة يمكن 10 موظفات اللي سالتهم بالعمادة وكلهم نفس الكلام ياتكوني سعودية او من ام سعودية غير كده مافي حتى لو معدلك 5 مافي

كلام طبيعي بينرفزني ويحبطني ويحسسني انو كل تعبي وحرقة اعصابي ايام الامتحانات عالفاضي

وياليت باسلوب هادي صراخ ومن راس خشمها كمان كنها بتدرسني عحسابها

بس والله هدا احيا فيني الامل هالموضوع
مضاد فعال للكآبة

ان شاء الله بشوف موضوع البرقية

اهم شي اسم الموضوع من جد كآبة

الله يسعدك دنيا واخرة اخوي على حرصك وتعاونك

وعقبال ماتصير محامي قد الدنيا

عشان نرفع قضية عالجامعة )) بتورطه

الف شكر لك


تحياتي لك اخوي ,,,