[THE EXPERT]

المشاركة الأصلية كتبت بواسطة al-aolani من وجه نظري ولاني مااقدر احضر الدورة افضل تكون دوراة الطالبات قبل الطلاب لانهم ينقلون جميع ما يحصل بالدورة وبالتفصيل الممل اما الشباب للاسف مافي تعاون

أختلف معك تماما
وانا أنسان أؤمن بالأرقام والأحصائيات .. فاللي اريده منك , ان تتصفح منتدى الملخصات والمواضيع المتميزه وشوف كم نسبة مشاركة الطالبات مقابل مشاركة الطلاب . هذا واحد
والشيء الثاني أدخل على مواضيع تجمعاتهم اللي تختص بماده معينه ... تجد عدد الصفحات يتعدى الثلاثين صفحه ولا تلقى الا ردين او ثلاثه تتكلم عن الماده اما الباقي تتكلم على شكل الدكتوره وعلى أخلاقها وعلى اني أفكر احذفها ومن هذا القبيل .وأن الدكتوره فلانه معقده وان الدكتوره فلانه حبوبه ..
الان مثلا المواضيع المثبته وتتعلق بالمناهج الدراسيه هي ثلاث مواضيع فقط .. وكلها مكتوبه من الطلاب ..


صحيح انه في الاونه الاخيره صاروا الشباب مايدخلون على المنتدى أو ما يشاركون بسبب مضايقات وعدم أحترام وعدم تقدير لهم من بعض ............ ولكن هذا مايمنع أننا مانجحد دورهم .

أما فيما يخص تأخير موعد الدورات التأهيليه / فهذا أمر ما منه مناص ولا مفر فلذلك خلونا نأخذ الموضوع بأيجابيه أكثر وليه ما نقول انه في صالحنا .. فلو ذاكرنا المواد قبل الدوره وأذا جات الدوره نستفيد منها بشكل أكبر حتى اذا صار يشرح نعرف الدكتور بيتكلم عن ماذا .. والجزئيات اللي مافهمناها نقدر نسأله عليها .. وبعدين الكل مقتنع أن اكبر فائده من الدوره هي شيئين الأولى معرفة التحديد والثانيه معرفة طريقة الأختبار .. اما انك تبيه يفهمك منهج الصوتيات او مقدمه في الأدب او مقدمه في اللغويات في خمس حصص هذا مستحيل .. فلذلك انصح الجميع وانا منهم ان نبدأ في المذاكره ولاننتضر الدوره التأهيليه ولا أخبارها .. حتى لاتأتي الدورات التأهيليه الا وكل واحد مخلص النص او الثلاث ارباع من كل ماده .. وبكذا تصير الفائده من الدورات ثلاث اشياء الأولى معرفة التحديد بالظبط والثانيه معرفة طريقة الأختبار والثالثه ان تجد اجابات لأستفساراتك وللأشياء اللي مافهمتها في المنهج..

وبالتوفيق للجميع