[دنيا الكون]

السلام عليكم ورحمة الله

حبيت انقل لكم يومي الملئ برحابة الصدر عن التعامل في الجامعه وفي غير الجامعه..

رحت اليوم علشان اروح اقدم في الدورات ((المجانيـــــــــــــــــــــــــــــــــــــــــ ــــــه)) ولاحظو كيف كتبت المجانيه..وكمان علشان امر الجامعه مره وحده واخذ شهادتي اللي ماعطوني هي مع الوثيقه لأنهم طبعا مضيعينها من شهر ثمانيه..وعلى اساس انهم يتصلو علي اذا حصلوها ..ولا حتى عبروني لما رحت اسئل مره ثانيه
اليوم يادوب الموظفه ترد علي وقالت اتركي رقمك وبنرجع ندور عليها والحمدلله بعد جهد وتعب وكلام لقيوها ورجعوني من نص الخط وقالو ارجعي خذيها الحمدلله اني ما احتجت اروح الوزاره اخذ بدل فاقد

ورحت لمستشفى الأمل وسألت على الدورات التدريبيه..قالو لازم تروحي جهة مستشفى الملك فهد وتاخذي من عندهم ورقه علشان نقبلك بالتدريب..ورحنا لمستشفى الملك فهد وحدة التدريب والابتعاث اللهم لك الحمد على موظفين الدوله جدا متعاونين :(

قالو لازم تروحي ((( الهيئه السعوديه للتخصصات الطبيه )) علشان ناخذ منها ورقه..طبعا هذا كلامهم تاخذين ورقه مايقولون وش هالورقه وشلون بتتعبين علشان هالورقه..ولا حتى اختصرو الموضوع من البدايه وقالو روحي للهيئه..المستشفى مشورونا لمسشتفى الملك فهد وبعدين عرفنا ان في هيئه طبيه
المهم المفروض بعد ماناخذ ترخيص من الهيئه ناخذ من وحدة التدريب في الملك فهد يوجهنا بعدها لأي مستشفى وطبعا لكل شهر تدريب (( 1000 ريال)) يعني مافي شئ مجاني
واول مره اعرف على كثر ما اقرى ان موظفين الصحه لهم تجديد كل ثلاث او خمس سنوات على رخصتهم

رحنا الهيئه السعوديه عطونا من الهيئه اوراق نعبيها ومستندات نجيبها علشان يرسلو الوثيقه للرياض وعلى بال ما يدققوو فيها ويرجعو يرسلوها مره ثانيه لك ويعطوك ترخيص علشان تدربي في المستشفى الا والتدريب خلص والحمدلله على كل حال

من ضمن المستندات اللي تعطيها الهيئه ايصال دفع مبلغ يمكن حول 800 على ماسمعت باقي للحين ماراح يدفع زوجي اذا دفع بأنعشكم قد ايش دفع..والوثيقه وشهادة الثانوي وصور لك وما ادري وش كمان..والله يستر ما ادري عرفو الهيئه اني انتساب ولا باقي


يعني بيطلع هالتدريب من عيوننا ..معليش ياخذو فلوس الهيئه من الموظفين علشان تجديد هالرخصه الصحيه..لكن احنا كمتدربين ليه ياخذو منا ..على الاقل يكون التدريب مجاني..مو هم كمان بيستفيدو منا لأننا جايين عن رغبه يعني كد وتعب وفوق هذا فلوس
الله يعين وييسر الحال ما ادري في احد راح غيري ومر بمثل اللي مريت فيه من قهري حبيت اعطيكم خبر وتختصرو الموضوع عليكم