منتديات سكاو - عرض مشاركة واحدة

LeLou · 16-10-2010, 04:37 PM

حبيبتي أبغى أقول لك حاجة ...

شوفي إنت كيف تمشي و شوفي طفل عمره سنة كيف يمشي ...

شي طبيعي إنك حتلقي نفسك تمشي بسرعة و ثبات و الطفل مشيته بطيئة و يتعثر و كل شوية يطيح ...

لكن كمان كم شهر راح تلقيه صار يمشي زيك و يمكن أحسن كمان ...

هو هذا بالزبط ...

السنة التحضيرية (( و ما ما امزح )) أنها سنه عادية ما فيها شي ...

لكن السنة التحضيرية و الجامعة عمومًا يبغالها إجتهاد ...

لازم تجتهدي و تذاكري أول بأول عشان توصلي ...

إنت حاطة في راسك انك ضايعة و عشان كده إنت بجد ضعت ...

اللي يستسلم للوساوس راح تتغلب عليه ...

و أهم شي لا تجلسي مع البنات إللي كلامهم يحطم ...

أعرف واحدة ممتازة و شاطرة صاحباتها كانوا يقولوا لها :

ها يا فلانة كم مادة تبغي تحملي الترم دا ؟!

على أي محاضرة تبغي تسحبي اليوم ؟!

البنت خلصت السنة النحضيرية راسبة في 3 مواد و واحدة منها الاحياء ...

إللي هي حفظ نص من التيست بانك و الكل نجح فيها و هو مغمض ...

لكن لما أخذت المواد في الصيف بعيدا عن هذي الرسائل السلبية ...

نجحت في المواد هذي بتفوق ...

أهم شي تعطي نفسك رسائل إيجابية دائمًا ...

و قبل هذا كله ربك ثم ربك ثم ربك ...

اتقربي من الله عز وجل بالنوافل بالصلاة بالصوم بالدعاء ...

و راح تشوفي كيف ربنا راح يفتحهاا عليك من جميع الجهات ...

الله يوفقك و ييسر لك ...