[Confused]

بسم الله الرحمن الرحيم
الســـلام عليكم ورحمـــة الله و بركاتة

اهلاً و سهلاً اخواني و اخواتي الاعضاء ..
كيفكم ؟؟ ان شاء الله بألف خير ..
كيف رمضان معاكم ؟؟ بتنحفوا ولا بتجمعوا على قلوبكم شحووم ؟؟
يلا يلا ابغى مشاركات و تفاعل لو سمحتوا ..
الموضوع مخصوص بالكبار الي تخصصوا و تخرجوا كمان ..
و المستجدين و الكتاكيت يدخلوا يستفيدوا و يشكروا << الشغلة غصب ..
ابغى كل واحد منكم يدخل يتكلم عن تخصصه ..
الي تخصصه طب يدخل يتكلم عن الطب ..
ايش احلى شي فيه ؟؟ هل دراسته سهلة او صعبة ؟؟
ايش هي الجوانب السيئة فيه ؟؟ تنصحوا الصغار يدخلوا فيه او لأ ؟؟
بنسمع عنه كلام كثير .. ايش الصح و ايش الغلط ؟؟
وإلي تخصصه مثلا علوم حاسب آلي يدخل يتكلم عنه ..
يعطينا شي مختصر عن دراسته .. ايش الحلو فيه ؟؟ ايش الي يطين العيشة
فيه ؟؟ تنصحوا فيه او لا ؟؟
و التخصصات الغريبة زي تصاميم البيئة و الاشياء دي ادخلوا
اعطنا فكرة عنها .. و ممكن اذا اتخرجنا وين رح نشتغل ؟؟
و ايش ممكن يكون المسمى الوظيفي ؟؟
و كمان تخصص الصيدلة المهضووووم .. كثير ناس ما يعرفوا مين الصيدلي
و ايش اهميته .. اغلبهم يعرفوا انه الي يوقف بالصيدلية يبيع
فهادي فرصتكم انكم تتكلموا عن اقسامكم و تفتخروا فيها ..
و فيكم تسبوها و تشرشحوها مافي مانع
ابغى ادق التفاصيل .. لو ثمحتوا يعني
المهم ابغى الموضوع يكون فرصة للتعرف على الكليات مزبوووط ..
الجوانب الجيدة و السيئة ..
و لحد يدخل يتكلم عربي فصحة ترا بينطرد << علشانك بنغالية و الله
لاننا نبغى نفهم ايش هو القسم دا .. مو كأننا بنقرأ من موقع الجامعة ..
ابغى الكبار يفيدونا احنا المستجدين الي لسه حالتنا حالة ..
لاني لاحظت كثييييييييييير بنات يبغوا طب ..
و المشكلة مو كلهم يعرفوا ايش الطب من جد ..
و حده بس تبغى تدخل طب و خلاص و ما تعرف ايش المخاطر,
المتطلبات و هادي الاشياء .. تقوم مسكينة لمن تدخل تتغلب ..
فــ يلاااا يا كبار نورووونا

بإنتظاركم ..

ملاحظة: الصراحة ما عرفت في اي قسم ادحش الموضوع
بس اغلبه حوار و اسأله فقلت اخليه هنا ..
و No ProB اذا لازم يتنقل لقسم ثاني

With All My Love
Confused