السلام عليكم ورحمة الله وبركاته
صراحه من زمان منقطعه عن المنتدى وشدني موضوعكم جدا شيق
وتقريبا مافكرتو بمشروع الا اننا محتاجين وملين من الروتين وجلسة الفضاوه الي مامنها فايده , وحابه اشارككم بعض الشئ من المشاريع الي عجبتني وشفتها قدام عيني وتطلع ارباح بالهبل بدوون تعب ولا شئ حتى لو وحده منكم تسويه في بيتها يكون كبير
ونحنا نتساعد فيه نكون موضفات <<<<<< بسرعه اخلصي وقولي مشروعك
بقولكم اصبرو , طبعا احنا كلنا متعلمات ومعانا شهاده جامعيه وتخصصاتنا كثيره في منا دارسه اداره وفي محاسبه وفي لغه عربيه وفي وفي وفي دراسات اسلاميه طبعا الي راح يكون لهم دور كبير بالمشرررروووع <<<<< برا اخلصي علينا
حبيباتي كلنا نعرف الرقيه وفوايدها كثيره الي يشتكون امراض وووو ... الخ الله يحمينا واياكم
قبل فتره رحت لوحده شيخه ترقي على النساء وطبعا المكان في بيتها بالدور الارضي خاص بالنساء فقط وفي جوا مكتب للاستقبال وفيه عاملات للمواعيد عند التلفووون واستقبال المكالمات وفي زي الشباك تشتري منه مويه مقري عليها وزيت وعسل وووووو كلها طبيعيه بس مقري عليها من الشيخه.
السالفه ومافيها دخلت ذاك اليوم من الساعه 5 العصر والله يالحريم فوق بعض ماتلقين كرسي تجلسين عليه طبعا صالتها كبيره ومجهزه كراسي للناس المهم الشيخه لاهي داعيه ولا شئ بس ماشاء الله عليها حافظه للقران وحافظه من الادعيه. وقرأت علينا وحده وحده بالميكروفووون وبعدين رشت علينا مويه مقري عليها بااااارده كان احساااس جمييل
وعندها مسجل حاطه فيه شريط بصوتها للرقيه من القران الكريم وشغلته تقريبا الين العشااااء وبعدين قالت خذي العلاج
والله يابنات العلاج سعره ب700 ريال من عسل سدر وعسل جبلي ومويه صحه وزيت مخلطه مع بعض كلها بقوارير..
وكل هذي مقريه عليها الشيخه قاااريه عليهااا ماشاء الله جزاها الله خيير طبعا انا ماشتريت كل العلاج لاني من النوع الكسول ولا احب الخرابيط اخذت بس عسل ومويه مقري كلها كلفت علي 150 ريال وذاك اليوم كان في الصاله تقريبا 80 حرمه, مره زحمه اذا مو اكثر ,فوق بعض جالسات يعني لو ضربنا 150 *80 كم بتطلع 12000
تخيلو اليوم الواحد طبعا انا قلتلكم 150 بس لاكن هذا اقل شئ تدفعه المراجعه للعلاج في ناس تدفع اكثر ,, ركزو معي اول شئ هذا عمل لوجه الله وثاني شئ كله حلال مافيه نصب انتي تقرين وتبيعين اشياء مذكوره بالقران الكريم ,,, فكروووو بالموضوووع كوييييييس
وفي لها مواعيد مخصصه بس سبت واثنين وربوع مواعيد القراءه وكلها خاااصه بالنساااء
يعني تجي وحده خريجة دراسات اسلاميه تكون قدها وعندها جرئه ويد بيد كل وحده فينا تمسك شئ معين والله يابنات راح نكسب والله صدقوني هذي الشيخه ماهي دارسه ولا شئ يمكن بس داخله تحفيظ قرااان بس, والحين كثرو الحريم اللي يحبون يروحون للقارئه تقرا عليهم بعضهم معاهم امراض عضويه ونفسيه ماترتاح الا اذا احد قراء عليها ونتي بكذا تكسبين اجر ,,
بس المسئله يبغالها صبر وعزيمه وجرئه واصرااار وتحمل لاني شفت حريم وهي تقرا عليهم
والي
والي
يعني نتحمل
بيكون في عاملات مننا وفينا شغلتهم يسيطرون على الوضع وكذا ويتحملون والبعض على المبيعات والبعض للاستقبال والمواعيد
وسلامتكم حبيت اشاركم بس بمشروووع يمكن يعجب البعض ويمكن البعض مايتقبلوه
وتقبلو مروووري ولكم مني اجمل تحيه
ونواصل لنراء اخر ابداعاتكم ياصبايا <<<< فديتكم