[الشاكي]

أنا بأقولكم قصتي مع الدكتور اللي عليه من الله ما يستحق ********* في ********

والله والله كل يوم أطق 50 كيلو روحه ورجعه عشان أحضر عنده ونترك مباراه الإتحاد النهائيه على حسابه ووالله ولا يوم غبت لكن المشكله أني طلعت راسب وهذا ما كنت متوقعه لأني عارف نفسي

وقلت يمكن الرجال ضيع الورقه وحطها في

وربي أروح للدكتور لمده ثلاثه أيام واللي يغثك أنه هو الدكتور الوحيد اللي ماهو معلق ساعات مكتبيه

ووالله أستنى يومياً لمد ثلاثه أيام 3 ساعات واقف على رجولي أستنى سعادته يشرف

المهم وأصيده في يوم وأقوله أنا مجاوب كيف أرسب

قال ما أدري الكمبيوتر هو اللي صححها

( يحسب الشعب السعودي غبي الكمبيوتر يصحح التضليل مو علامه صح )

المهم قلت مافي مشكله طيب العشر درجات مافادت

قال أنا ما أعطيك هيا

أنا أعطيها الطلاب اللي جايبين 50 وفوق عشان اللي يجيب 50 مع 10 يصير 60 وينجح

وربي على طول قلت أبي أراجع أوراقي

قال لا ممنوع

وعلى طول بدون لف ولا دوران على رئيس القسم وأشرح له كل الكلام

واليوم الثاني ولا أوراقي عنده

طبعاً الأول 10 والثاني 20 والنهائي ياجماعه 80 فقره حوالي 10 من برى المنهج يعني 5 درجات في جيبي

أخذت 20 وصار المجموع كله 50 وأعطاني 8 في الحضور وصارت 58

أنا مو أنقهر إلا وربي حقت على هالحركه الوسخه اللي مالها داعي

واللي يقهرني زياده أقسم بالله أعرف واحد ما يداوم خير شر ناجح بـ 60

وواحد لو تجمع درجاته وتضربها في 2 ما ينجح ماينجح جاب 80

المهم قلت يا حبيبي في أسئله من برى جات

( شوفو التصريفه )

قال هذي وزعناها على فقرات أخرى ولسوء حظك طلعت هالفقرات عندك غلط

من جد أنقهرت وقلت

إذا أنت محد يحاسب هنا

ترى في واحد فوق يحاسبك على ترم كامل أضيعه معك في الروحه والجيه

وسكت ورحت




أعذروني على الكلام خرج عن الآداب العامه شوي لكن القهر وما أدراك ما القهر


تم التعديل من المشرف العام
لايمكنك ذكر أسماء دكاترة كما هو موضوع في قوانين المنتدى
يمكن النقد البناء والشكوى دون ذكر أسم الدكتور ورقم المادة