رد: الجامعة .........تحطيم آمااااااااااااااااااال
لا تكوني متشائمه
زي ما فيه ناس عدو السنه التحضيريه ودخلو الاقسام الللي يبغوها
احنا كمان نقدر نسوي زيهم :)
وانتي توكلي على ربنا وذاكري
وصدقيني كل ما فكرتي في التخصص اللي تبغي تدخليه دا الشي يخليكي تحرصي على المذاكرة وما يخليكي تتعثري
شوفي انا زي زيك تحضيري
واقولها لك كدا لا تسمعي كلام البنات ترا كلو اشاعات وكلام فاضي
وكلو يقولو ويقولو
انتي زي ما قدرتي تدخلي الجامعه تقدري تعدي التحضيري
هوا فيه ضغط صح من ناحية ساعات الانجلش بس كلنا زي كدا
والمناهج مو جديده ومكرره اللهم انها بس بالانجلش
انتي سوي زيي وترجمي واحفظي المصطلحات بعد المحاضرة على طول وذاكري
شيلي من بالك التشائم وكلام البنات
فكري في التخصص اللي تبغي تدخليه
الله يوفقنا
سبحانك اللهم وبحمدك أشهد ان لا إله إلا انت استغفرك واتوب إليك
|