 والله بصراحة لازم تستخدم نظرية المادة اللي ترتاح لها تنزلها
يعني لو نزلت مواد تعرف ايش فيها وتشتري كتبها وتجمع ملخصاتها وتجيب مدرسين اذا يحتاج من قبل الاختبارات بشهر يعني ماتجي فترة الاختبارات الى وانتا عارف (الكفت) ولو انك في جدة (ياسلاااااااام) تحضر الدورات واذا مافهمت تجيب مدرسين يفهموك بخشم الريال وتكون كدا انتا جاهز بس كل واحد طريقته تفرق عن التاني يعني أن طريقتي او فلسفتي في الجامعة ( اللي تخاف منه واجهه) والحمد لله ناجحة معاي هاذي الطريقة بكل المقاييس
لكن ممكن إنك تشكل في المواد تخلي 2 نظري و 1 علمي و1 ثقافة و1 حرة و1 اختياري زي كدا وتأكد تماما أنه ماحد راح يتخلى عنك كان في منتدانا العزيز أو في منتديات اخرى
وتدري إحنا إيش عيبنا الوحيد إننا بس نبغى شهادة مافكرنا بالمادة العلمية اللي ندرسها وايش أهميتها في الواقع العملي عشان كدا كارهين اللي جالسين نذاكره وفي النتيجة حتى هوا كارهنا (المادة والدكتور)
شوف الجامعة مثل الزواج (اذا دخلت في واحد فيهم لازم تكمل)
يعني لازم تكدب على زوجتك وتقلها أحبك وتكمل معاه وتعيش زيك زي غيرك أو تأكل على قفاك وبرضو تكمل
والجامعة برضو لازم تكدب على الكتب وتقول في نفسك أنا أحب العلم كدا من حالك حتجيب اعلى الدرجات أو تكون كاره نفسك وكاره الدراسة وتاكل على قفاك وبرضو حتكمل وتتخرج بمقبول
وتكوون شهادتك زي عدمها مالها أي قيمة (تستحي تقدمها لمديرك أو شؤون الموظفين في دوامك)
وطيب ليه
اسف على الاطالة
وربنا يوفق الكل
^_^
|
كلامك جدا سليم ويسلم فمك ياغالي
لكن للاسف ما انتبهنا الا بالاخير
والله يقدرنا ونرفع المعدل الي جيد بس ما نبغى شي اكثر