[حنين الود]

ياسلاااااااااااااااام على الموضوع دآ..جآي في وقته ..إحنا حطينا قانون جديد يمنع أي طالبه إنتظام تفتح موضوع إستفسآر يخص ماده من المواد الي لها تجمعات ..وبكدا يفضى مساحه للإبدآع بدل الإستفسآرآت ..ويتم جمعها في التجمعات بطريقه مرتبه ومنظمة...
أصلا بالطريقه دي ..تلاقي تجارب وتشوف نتآئج أكتر ..وبالتالي فائده أكبر ..من رد من طالب أو 3 أو حتى 10 ..بالإطلاع على عده موآضيع تتأكد من المعلومة ..ياليت الجميع يلتزم في الشي دآ..
إداره المنتدى على قد ماتقدر بتتعب عشان توفر الراحه للطلاب والطالبات ..ويرتقي مستوى المنتدى في المعلومات المفيده ونتمنى نوصل لمرحله معينه من الإبداع ..وماحنوصلها في حال كل المواضيع تكون إستفسآرآت ..مع العلم بعض الإستفسآرآت جوابها موجود في أحد الموآضيع زي مواضيع المواد الحره للطالبات ..البنات يفتحوآ الموضوع وهما الجواب قدامهم ومثبت تجارب الطالبات للمواد الحره ..يعني تفتح الموضوع وتشوف تجارب بنات يمكن 40 وأكتر في المواد وكاااااااامله المعلومات ..والمشكله إنو المعلومات جاهزه ماتنتظر أحد يرد عليها مآدري لو بعض البنات يقصدوآ إنهم يبغو 40 بنت يرجعوآ يجاوبوهم مره تآنيه في موآضيعهم دآ شي تآني....بس عندهم رفض تآم للفكره دي ..بعض الطالبات تفضل فتح موضوع على الإستفاده من مواضيع موجوده ...