رد: خبراتكم ووتجاربكم اللي إجتازوو او ماجتاز التوفل والايلتس وستيب
مصرقعة اميين يا رب و يسعدك دنيا و اخرة
شوفي يا عسل فيه اختبار بكرا و دا تسجيلو اصلا مقفل و فيه اختبار الاحد الجاي
الموقع الي انا اعطيتك هوا نفسو تبع ميمي
بس ميمي اعطتك الصفحة الرئيسية
الفرق بين الاختبارين هو انو الـ iBT ع الكمبيوتر و الـ PBT ع الورق
و يختلفو في الاقسام يعني الي ع الكمبيوتر فيه قراءة و كتابة و استماع و محادثة
الي ع الورق ماني متاكدة بالزبط ايش اقسامو بس يتكون من 3 اقسام مو 4 زي التاني
في جدة ما في غير الي ع الكمبيوتر الي هوا iBT
ادخلي الصفحة الرئيسية رح تلاقي TOFEL iBT format
سوي كليك عليه و بعدين حتلاقي ع اليسار لستة من ضمنها register for the test
سوي كليك حتلاقي في الصفحة مكتوب كلام من ضمن الكلام تلاقي مستطيل ازرق مكتوب فيه register online
سوي كليك عليه لو عند اكاونت اكتبي الاسم والباسورد لو ما عندك سوي sign up
و بعد ما تخلصي رح تجيكي صفحة مكتوب فيها Tofel test و Tofel services
اختاري الاولى و سوي كليك على continue
حتفتحلك صفحة فيها الشروط و في اخر الصفحة فيه ايكون مكتوب عليها i so sign and agree
سوي كليك عليها بعدين حتختاري الدولة و المدينة و ايش الفترة الي تبغي تختبري فيها و رح يطلعلك في جدول
المواعيد الموجودة و فين مكان الاختبار تختاري الموعد الي تبغيه و تحكي و بعد كدا تحطي معلومات الفيزا تبعك و خلاص تكوني سجلتي و رح تطعلك صفحة فيها بيانات الدفع تبعك اطبعيها و خديها معاكي يوم الاختبار مع بطاقة الاحوال
و بالتوفيق لينا كلنا ياا رب
|