[Eng.SouL]

المشاركة الأصلية كتبت بواسطة انسان محتار mksa يمديك تحول من دكتور لدكتور الا بموافقة الدكتور اللي بتروح عنده ودكتورك كمان لازم يوافق وبعدين ادخل قائمة الشعب وشوف انت متى فاضي ومتى تبي محاضراتك تكون ونسق وقتك ولما تحصل اللي تبيه اكتب بورقة انك تبي تنقل من شعبة كذا الى شعبة كذا انتقال ودي ويوقع الاثنين وخلاص او بدال هذا بوقت فراغك روح احضر عند السلمي

بلا ورقة بلا توقيع بلا هم
أنا كنت أحاول أسوي هذي الحركة في الكيميا،،، رحت عند دكتور ياسر العنقري ووافق إني أحول عنده.. وبعدين رحت عند دكتوري القديم وما كان راضي إني أحول مدري وش يحس به
جلست ضايع يومين مادري وش أسوي،، قمت رحت عند وكيل عمادة القبول والتسجيل والرجال ما شاء الله مررة طيب وأخلاق أنا توقعته يطردني لان ما فيه تحويل بالحضيري بس شوية كلام بيني وبينه (كلام يخص التحويل والمادة مب تضبيط وسواليف) بعدين قام حولني لشعبة ياسر العنقري.. ودكتوري القديم مع نفسسسسسسسسسسسسه
مع العلم في واحد من الدكاترة قالي رح عند رئيس القسم في كلية العلوم .. يعني إذا كنت بتحول الإحصاء تحويل ودي تروح عند رئيس قسم الإحصاء .. وإذا الرياضيات تروح عند رئيس قسم الرياضيات .. وتقوله دكتوري ما اقدر افهم عليه أو ما ناسبتني طريقة شرحة أو أي شي.. وهو إن شاء الله يصير يكلم الدكتورين وكل شي يصير تماامز

يعني فيه 3 محاولات للتحويل
1- من عند وكيل عمادة القبول والتسجيل.
2- إذا ما وافق تروح تاخذ موافقة الدكتورين (اللي بتحول من عنده - واللي بتحول له).
3- إذا واحد فيهم ما وافق تروح عند رئيس القسم المسؤول عن المادة اللي بتحول فيها.

وبالتوفيق للجميع ..