السلام عليكم ورحمة الله وبركاته ..~
..
اولا اكيد الجميع مافهم العنوان المختصر دا
اوك انا بشرحلكم فكره جات ببالي واحس انها راح تفيدنا جميعا وتخلينا بأذن الله نحصل اكبر معلومات ونفهم المواد ونجيب اعلى الدرجات بأذن الله
الفكره هيا انو نكون 5 مجموعات .. كل مجموعه تمسك ماده وتبدأ تنزل سلايداتها وشروحات وامثله واسئلة اختبارات ونقاشات وكل شي يختص بالماده ..
وبكذا المجموعه نفسها راح تستفيد لأنها بتبذل جهد في حصد المعلومات عن الماده .. وبنفس الوقت تستفيد من المعلومات الي جمعوعها المجموعات الثانيه في باقي المواد ..
وفي النهايه نكون كلنا قد استفدنا وافدنا .. ^^
لنو عندي قاعده بالتعلم : ادا بتعلم حاجه .. اعلمها لغيري ..~
الموضوع عباره عن فكره تناقش وكل من لديه اضافات ورؤيه اخرى وافكار اخرى يضيفها ويسير بالأخير نوصل لنقطه نتفق عليها كلنا ونبدأ فيها
اتمنا التوفيق للجميع ..
اضافه للفكره :
عشان نضمن انو كل مجموعه تحافظ على مجهودها وتفيد الأعضاء .. اقترح نسوي مسابقه قبل اول اختبار الي حيكون قبل اجازة الحج .. والمسابقه دي عباره عن تحدي بين المجموعات .. وهيا انو كل مجموعه تحط اسئلة اختبار للماده الخاصه فيها .. وعلى حسب نتائج الأعضاء راح يتضح لنا مدى مجهود هذي المجموعه وفعاليتها في ايضاح الدروس وفكرة الماده .. وبكذا نضمن انو كل مجموعه تحافظ على مستواها وتفيد الباقين بأمانه ^^
..
Sweet_Boy..~