[بسمة تشرين]

اول شيء انا اكلم معاكي كاني اكلم نفسي لانه جات في بالي نفس فكرتك ونفضتها بكم شيء
1- نحن مو اول سنة يطبق علينا التحضيري ولا اخر سنة وماشاء الله ناس قبلنا جابوا 5-5 هل نحن اقل منهم ؟؟ انا اعتقد انه ابدا لا لانه نحن وهم اتخرجنا من نفس المناهج الي كلها عربي للاسف وكلها اسلوبها غلط

2- انتي تعبتي سنتين علمي واتخرجتي ماشاء الله واكيد بنسبة عالية لو دخلتي الجامعة ليه ؟؟ عشان في الاخير تنقلي اداري ؟؟ ده مو يعتبر حرام واجرام في نفسك لانه كانك تقولي انا ضعيفة ماقدرت اتمسك بحلمي وبعدها ترى كل الاحلام الي في بالك مح يكون عند الثقة بنفسك انك حتسويها

3- لا تجلسي ورى ابداااااااااا بمعنى ابداااا ترى اول ماتجلسي ورى حيضيع انتباهك كله لانه البنات ماشاء الله جالسين بالـ،ـ البي بي وكله ازعاج

4- دكتوراتك انسي كل الافكار الي الناس قالوها عنها انا سمعت كلام عن دكتورة تدرسني انها سئية ومدري ايش ماتعرف تشرح وحاله اليوم شرحت لنا لقيتها روعة ترى راي البنات مو دايما صح

5- لو انتي شايفة انه دكتورات مايعرفوا يشرحوا ده ترى اغلبه بسبب اللغة واختلافها متعب الاختلاف المفاجئ انتي اقنعي نفسك بدي الفكرة وحتشوفي انه مايمر كم اسبوع وحترتاحي وتشوفي الشرح عادي لانه مع الوقت حتتعودي على اللغة

6- انسي انه في شيء في جامعتنا او بنات في جامعتنا يدرسوا بالعربي حتى تشيلي الفكرة السودة حقت النقل اداري اعتبري نفسك في بعثة خارجية اي شيء حاولي تحسي انك شيء واااو لانك تدرسي انقليش واحاولي تفهمي انه ده لمصلحتك


7 - ترى كل الكلام الي كتبته ليك انا اقوله لنفسي ومالقيت بنت الا وهي مرعوبة وده طبيعي لكن لاتخلي الرعب يتملكك اصحى من الصبح ابتسمي للحياة وروحي وسوي الي عليك والله معاكي

الله يوفقك و يوفقنا جميعا وخطة أ حلوة وخطة ب حلوة لا تقولي انه تعبت من دي الخطة كيف الاصعب ترى مافي شيء اصعب واسهل في شيء اسمه اقدر ومافي مستحيل
ان شاء الله اخر السنة تجيبي 5-5 --- وانا معاكي

اختك بسمة تشرين