[Kaira]

المشاركة الأصلية كتبت بواسطة *شموع* السلااام عليكم ورحمة الله وبركــاته... اولاً:انا اللي تدرسني كيمياء الاستاذة اكرام ابغى اعرف في ايش اعتمد على مذاكرة الكيمياء ومن وين تجي اسئلة الامتحان..؟؟ في ملخصات للكيمياء تفيدني في المذاكرة ولالا؟؟ ثانياً:مادة الاحياء لازم اشتري كتاب ولالا..!! واللي اعرفه انو اسئلة الامتحان كللها من التست بآنك يعني مااحتاج الكتاب..؟؟ وهل تست بآنك السنة اللي فاتت تغير عن دي السنة ولا نفسه.. ثالثاً:ماة الاحصاء اعتمد ع المذاكرة من الكتاب فقط ولا فيه ملخصات كوويسة ممكن تساعدني..؟؟ سوري عارفه اني كثرت الاسئلة ..

وعليكم السلااااام ورحمة الله بركاتو
شوفي ياعسل
أنا درست عند د.اكرام وكنت أكتب معاها المحاضرة على نوتز جدا مفيدة المحاضرات حقتها
خاصة لما ترمي كدا ملاحظة أو تقول معلومة حاولي تكتبيها ..
أنا عن نفسي كمان كنت أزاكر من الكتاب وكنت أأشر في كتابي خاصة كمان لما تدخولوا على مسائل
كيميائية وتعاريف وشرح مفصل وترى أكتر كلامها وإلي تكتبو عالبورد من الكتاب بس برضو أنا أقولك أكتبي معاها أحسن وأأشري في الكتاب كمان زاكري من الأسئلة الي تحطها في موقعها
هية تحط أسئلة بعد نهاية كل شابتر على موقعها أطبعيها وحليها قبل لا تطالعي في الأجوبة ^^

الأحياء زاكري من التست بانك لأنو يجي حرفيا بس يلخبطو في الخيارات ممكن ..
فحاولي تركزي في مزاكرتك للتست بانك

الاحصاء فالكتاب ماشاالله شرحو مفصل وخطوة خطوة يعني جدا ممتاز وكمان ركزي في شرح
الأستازة خاصة أول شابتر مرررررررررررة ركزي فيلو لأنو نظري ويجي منو مرة كتير
في الدوري الأول تقريبا تلاتة أرباع الاختبار من الشابتر الأول
وحاولي تكتبي مع الأستازة الأمثلة حقت الشرح إلي تقولها ترجمي معاها أول بأول عشان يسهل
عليكي المزاكرة والدراسة وكمان جيبي لنفسك أمثلة على نفس نمط مثال الأستازة
عشان يعني للاحتياط وتحسي نفسك انك فاهمة ..

أتمنى إني أكون جابتك بإلي يرضي قلبك ياعسل ولو محتاجة أي مساعدة فإحنا حاضرين
لأننا كنا زيكم السنة الي فاتت فعادي لا تستحي ولا يردك إلا الكيبورد
تحياتي د.كايرا