مرحبا...
الظاهر الباقيين رجعوا البيت وناموا من التعب :)
اليوم اجتمعنا في بهو الكلية ... عدد الطلاب كان في الخمسينات ( مش كلهم موجودين) ... تم توزيع الجداول على الطلاب.... وكل واحد عرف اماكن محاضراته ( رقم الشعبة، المكان، الزمان، أسم الدكتور).
ابتدينا محاضرات الساعة 5 العصر مع مادة محاسبة ادارية وتكاليف....وبعد المغرب كان فيه زي الحفلة "الزغنطوطه"... للترحيب بالطلاب المستجدين...وكان عدد من الدكاترة موجودين... وأولهم عميد الكلية (أ.د. حسام العنقري) ... صراحة انسان جداً محترم ومتواضع...رحب بالطلاب المستجدين.. وبارك لنفسه ولنا على الاعتماد العالمي الجديد لبرنامج ماجستير ادارة الاعمال... وسمعنا كلمات تشجيعية .... وعلى فكرة، حتى طريقة القاءه للكلمة عجبتني... لانه كان واقف والطلاب ملتفين حوله وهو يتكلم ... يعني مش بطريقة رسمية ......... بعدين اخذنا صورة جماعية say cheese :d
طبعاً صادف أن طلاب الدفعة السابعة موجودين بعد ...... فصرنا كلنا مجتمعين وناس تسلم على ناس .... الا انا طبعاًُ لاني ما اعرف احد :(
بعد كان فيه بوفيه بسيط...وبعدها رجعنا للمحاضرات مرة ثانية .. وبدينا المادة الثانية الساعة 8 المساء ( مناهج بحث وتحليل كمي) ... وانتهت المحاضرة الساعة 10:45 مساءاً.
بكرة موعدنا برضو من الساعة تسع الصباح الى 11:45.... وبعدين من الساعة 5 الى الساعة 10:45.
بصراحة كلهم ناس متعاونين ...واسلوبهم راقي في التعامل... وتنظيم الى ابعد مستوى ... يكفي اننا (كطلاب جدة) ، عرفنا كل المعلومات قبل بوقت كافي مقارنة بكافة البرامج بدون استثناء... وهذي حسنة تحسب لهم.
الشي الوحيد اللي ما عجبني ، تكييف المبنى....بصراحة حسيت انه حررر ...خصوصاً في بهو المبنى ... وبعض قاعات المحاضرات.
ان شاء الله نسمع عن قريب تجارب الطالبات... وبرضو الطلاب في جدة وحائل ......بالتوفيق للجميع