السلآم عليكم
حبيت أفيدكم بالدكتورات إللي اخدت عندهم
أ. هيفاء عبد الفتاح، محاضراتها جدًا جدًا جدًا رآئعة والآدمية أخلآق والله وماتهضم حق بنت ولا
في ربع درجة وأسئلتها فقرآتهآ تكون كتيـــــــــــــــر حتى إننا نتعب، بس كلو أبو ربع ونص،
وبعض الأسئلة تكون عليها درجة <<دا إللي افتكرو من توزريعها للدرجات
كلو عشان مصلحتنا وماتطير درجاتنا ، الله يسعدها يآرب =)
تجيب فراغات، صلي، صح وخطأ<<إللي مزاكرة بزمة، وربي
الامتحان لو ان شاء الله ستين صفحة، حتحلو بإذن الله
لو تحبي تراجعيها في ورقتك، ماعندك أي مشكلة تخليكي تراجعي
وتصححلك حتى اخطآئك
الله يرضى عليها، بجد المادة كانت رائعة معاها
[ أخدت معاها الترم الماضي أخلاقيات العمل ]
...
د. فوزية الشمري، أخلآآآآآآآآآآآآآآآآآآآآآآآآآآآآآآآآآآآآآآآآآآآآآآآ آآآآآآآآآآآآآآآآآآآآق، وزوق وماتهضم حق أحد
أبدًا
أسئلتها مررة بسيـــــــــــــــــــــــــــــــــــــــــــــــ ــــــطة، وغالبًا تجيب من إللي تراجعو من
المحاضرات
وأسئلتها اختياري وصح وخطأ ومقالي، لاتخافو، المقالي عددي 2 بالكتير
او اذكري سبب، وربي الجواب حتى ساعات مايكمل ربع السطر
إزا انتي مزاكرة، حتحلي، ماتجيب شي من برآ، إنما زآكري بتركيـــــــــــــــــــــز خصوصًا
المقالي إللي هيا تنقلنا ياه في المحاضارات + زنو عليها، لأنها ترضى تعمل مراجعة للحاجات المهمة، وتلاقيها تيجي في الامتحان
وأسئلتها ترى ماهي كتيرة ولا قليلة، إنما معقولة <<ولو إني أحسها قليلة خخخ
وتوزيعها افتكر كان على درجة، و تعمل الصح والخطأ بنص، حتى الاختياري...
وإزا حابة تتأكدي من درجتك، ماعندك أي مشكلة
والله إنها بجد دكتورة أخلآق
[ اخدت معاها الترم الماضي مادة حرة، السيرة النبوية والخلفاء الراشدين ]
...
د. أمل تركستاني، رهيبة وفلة مررة، بس وقت الجد جد
تعمل امتحان فجآئي عشآن يكون عندك رصيد أبو درجتين تلاتة وقت الحاجة
<<بالعجمي، بونس هع
وشرحها مررة حلو، أحسها تديكي لب الهرجة وخلصنا، ماتحسي المادة صعبة معاها ماشاء الله
بالعكس، تبسطها ليكي إلين ما تتمكني منها، بس أصلًا المادة يبغالها مزاكرة دائمة، منها عشان
تكوني مستعدة أي امتحان فجآئي، ومنها لنفسك وقت النهائي عشان ما تنزنقي في الوقت !
بس في مسآئل، فيها حالات خاصة، سوتها مرة فينا وجابتها --" جبنا العيد لأننا ما ركزنا مو
لأنها ما قالتنا، لا والله بالعكس، كانت دايمًا تنبهنا: "ترى الدفعة الماضية غلطو هنا ونسيو ومش
عارفة إيه، فإياكم تغلطو نفس الغلطة" لكن الواحد يتعلم من أغلاطو =)
فكل شي تقول عليه لازم يتاخد في الحسبان حتى لو شكلو ما حيجي هع
أسألتها والله مبآشرة بس يبغالها تركيز عشان المادة أصلًا يبغالها تركيز،
وتجيب الصح والخطأ والاختياري من الكتآب وساعات بالنص !!
والله المادة ماشاء الله تبارك الله كانت ممتعة مع إني اكره الرياضيات جدًا ععععع
[ أخدت معاها بحوث العمليات الترم الماضي ]
كان نفسي والله أفيدكم بدكتورات أكتر، لكني دوبي محولة "الترم الماضي" للانتظام
+
أبغى أسألكم لو تعرفو شي عن دكتور إلها عبد الرازق اسماعيل..تدي إحصاء 111
طلعت معاها وخايفة لأني ما اعرفها
فالله يخليكم ادوني أي شي تعرفو عنها، الأسئلة الشرح التكآليف الأسلوب..أي شي
سلام