مشاركة: أنا طالبة خليجية .....ساعدوني
بخصوص سكن الجامعة ،، يعني هل نحتاج مواصلات للذهاب للجامعة وله لا ،، وكم طالبة بالغرفة وشنو الأشياء المتوافرة في الغرفة ؟؟
لا حبيبتي هم يوفرون لك المواصلات
معاك بنت وحدة بغرفتك
وبالنسبة للمتوفر فيها والله ما اعرف بس في مواضيع موجودة بمنتدى السنة التحضيرية كاتبين فيه شو تحتاجين بالسكن
و شو تجيبين معك
هل يمكن الخرووج من الجامعة ايام الأجازات الأسبوعية وله ممنووع؟
بالنسبة للسعوديات لا مابيطلعون ولا اي شي الا مع اللي ولي امرهم سامح لهم يطلعون معاه
بس بالنسبة للمبتعثات مثلك ما ادري والله شلون مسوين لكم النظام
هل يمكن ان ارووح الجامعة قبل موعد بدأ الدراسة لأكمال اجراءات التسجيل ؟؟
اي ممكن طبعاً بأي وقت تبين
مته تبدي الدراسة وشنو موااعيد الأجازات ؟؟
تبدا الدراسة بتاريخ 11-10-1429 هجري
مواعيد الاجازات لسى ما وضحوها بس بتبين لما تبدا الدراسة
بيطلعون التقويم الدراسي لهالسنة
يعني شنو بطاقة العائلة ؟؟
هذا مثل كرت فيه اسم ولي الامر و الام و عيالهم كلهم
ما عدا اللي طلعوا لهم بطاقة احوال يخرج اسمهم من الكرت
هل يمكن ان نرتدي الجينز والبنطلوون ؟؟ وبالنسبة للقميص ((البلوزه هل في شروووط لها ؟؟
اي حبيبتي لو انتي علمي مسموح لك تلبسين بس عليها لاب كوت
والقميص ما له اي شروط تلبسين اللي تبين و اي لون
بس ما يكون شفاف مرة و عاري مرة
و مسوح تنورة و كل الالوان بعد
بس لو بعد السنة التحضيرية تخصصتي طب
ممكن تروحون المستشفى و لازم تتحجبين وقتها
هل نرتدي الحجاب داخل الجامعة ؟
لا مافي اولاد لا حجاب ولا غيره
لكن لما تطلعين برى لازم حجاب
موفقة :)
|