[بحر الحرية]

المشاركة الأصلية كتبت بواسطة بسمة قمر والله اعرف بنات معايا كانو بالفصل اجانب وماكانو شاطرات ابببببدا وفي القدرات والتحصيلي ماحلو كويس وانقبلو بالجامعه وعايشين حياتهم بس ماادري اش انققبلو صراحه علمي والا ادراي والا انتساب مدري صراحه بس لما سمعت انو انقبلو مممممممممره انصدمت ووحده من صاحباتي ششششششاطره ماشاء الله ونسبتها الموزونه 88 بس ماانقبلت للاسف وبعد عدة محاولات انقبلت انتساب حرام وربي اللي مو كفو يدخلو الجامعه وديه المسكينه تدرس انتساب !!

أهلين خيتوو..

أول شي اللي ربنا يكتبلوو نصيب ورزق حياخدوو، سواء كان يستاهل ولا ما يستاهل ف نظرك، عشان كداا الأفضل إنوو نؤمن ف الشي داا إنوو قسمة ربنا بين عباده، وعشان كداا ربنا بيقول:

"أهم يقسمون رحمة ربك نحن قسمنا بينهم معيشتهم في الحياة الدنيا ورفعنا بعضهم فوق بعض درجات ليتخذ بعضهم بعضا سُخريا ورحمة ربك خير مما يجمعون"

فربنا سباحنه قسم الأشياء دي بين خلقه، وهواا اللي عارف إيش خيرهم، لأنوو الجامعة مهي كل شي، ف اللي ربنا يكتبله يدخلها ف داا الخير حقوو، واللي مالو نصيب فيها داا الخير حقوو، لكن مو معنى كداا إنوو الإنسان يوقف خلاص وما يجتهد ف شي تاني، لا بالعكس؛ يبدأ يدور على نصيبو ويجتهد عليه، وزي ما بيقولوا: لو اطلعتم على الغيب؛ لرضيتم الواقع.

ف الإنسان لازم يجتهد، ولو ربنا ما كتبله تصيب ف الحاجة اللي اجتهد فيها، يعرف لازم لازم نؤمن إنوو مالنا خير فيها.

يعني أنا بعرف طلاب اتخرجوا معاياا، ولمن جينا ف الصيف قدمنا ع الجامعة للأسف مالقيوا قبول لأنوو النسبة ما تحققت، ف أتزكر كانوا مررررة زعلانين، وكانوا بيقولوا إنوو احناا اللي لناا أحقية ف القبول بدل غير السعوديين ومن داا الكلام.
سبحان الله راحوا للكلية التقنية، وكملوا فيها دبلوم، دحين مشاا الله تبارك الله ف الترم اللي فات قبل التخرج أتعاقدت معاهم شركة، وراح يعملوا معاهاا سنة بعد التخرج، وبعدين راح يطلعوا ابتعاث على حساب الشركة يكملوا دراسة، ووالله والله يا خيتوو يمكن لو دخلوا الجامعة بجد بجد ما كان تحملوها، لأنووو الدراسة سارت بالإنقليزي واناا معاهم 12 سنة اعرف كيف مستوياتهم وأعرف حالتهم كيف.

ف الإنسان لازم يرضى بالشي اللي ربنا يكتبه له، ويعمل ويدور ويجتهد وربنا ما حيضيع تعب أحد "إن الله لا يضيع أجر من أحسن عملا"

موفقة ياارب خيتوو؛؛