أول حاجة حسيت انك مررررررررة محطّم !!
من حقك ,, لأنو شيء جديد ,, ومنتا فاهم فيها حاجة كمانة ,, ^^"
شوف ياعسل ,, هي دايما البداية كده كل حاجة مش مفهومة وتحسها مقفلة وعاد دا هوا شغل الشيطان في طلاب العلم ,, انتا خليك احسن منو ولا يحطمك ,, لو قدرت عليه ,, صدقني راح تشوف انها اسهل سنة مرّت عليك ان شاء الله ^^
بالنسبة للغة ,, هيا امكن اول اسبوعين تلاتة بالكتير شهر راح تحس بالملل والصعوبة,, لكن بعدها راح تحس بالمتعة لأنها فععععلا ممتعة الدراسة ,, بالنسبة للاحياء عمرو المدرس ماراح يقلك زاكر من التست بانك لانو اذا قلكم محد راح يجي المحاضرات حقت الاحياء ,,عشان كده انسى انو يقلكم زاكروا منها وبس واتركوا الباقي ,, لكن هيا من التست بانك ان شاااااااءالله ..
اما الكيمياء صح هيا في تلاتة كتب ,, لكن بصراحة مزاكرة الكيميا بالذات تعتمد عليك انتا وعلى طريقتك اللي تناسبك وتريحك بس اهم حاجة انك تركز في شرح الدكتور وتكتب معاه لو كان في كتابة وتحل المسائل أول بأووووول ,, بس كنت افضّل المسائل اللي في الكتاب الكبير لانها واضحة ومشروحة وكتيييرة وترى هيا ممتعة ^^
بس صدقني كولها تعتمد على الطريقة اللي تريحك وتناسبك ,, اما اللغة فالاختبار ما ادري اذا يفرق عن العام ولا لأ !!
بس العام كانت اختبارات اللغة سهلة وبسيطة ,, بس انتا يبالك تنتبه على الgrammer ,, reading ,,lisiting الاختبارات كولها زي كده في كتاب مرررة مفيد ان شاء الله لو انتا حاب تزاكر منو أدلّك عليه ,, ولا تنسا ترى اهم اهم اهم حاجة ,, المزاكرة اول بأووووووول يعني لا تنام الا وانتا راجعت حق اليوم اللي اخدتو وتدربت شوية على المسااائل وزي كده في كل مادة ما تاخد وقت ,, صدقني ,,
دا اللي اقدر اقولو لك ,, وربنا يوفقك ان شاء الله ^^