.gif)
عندي كم سؤال لطلاب السنة الي راحت
صراحة ياشباب انا انبهرت بالموقع ومن مساعدة الطلاب حقين السنة الي فاتت للطلاب حق هذه السنة
انبسط كثير حسيت انو في احد قاعد يوجهناعلى العموم انا كنت اخش واشوف المشاركات من بعيد لي بعيد وحان دوري لي اشاركم في كم سؤال ؟!!!! اللغة مرة مأثرة فيا كلو من الانجليش هذا الي ناخذو كل يوم خلاني احن للغة العربية واتكلم الفصحة كمان ؟؟!!! صديق انت في ايس تقول ؟؟؟!! خخخخخخخخخخخخخخخخخخخ؟؟!! مدرسنا هندي حق اللغة بس صراحة احسن مدرس درسني انجليش في التاريخ كلو
المهم انا امس روحت واشتريت كتاب الاحياء زي ماقال المدرس يوم اشتريت الكتاب انفجعت صراحة قريت منو شويا للاسف ولا كلمة فاهم طبعا جاني صداع ونمت لاني اصلا المادة ماحبها بالعربي فما بالك بالانجليش معايا والشيء الثاني سألت المدرس اقلو الاسئلة من التست بانك يقولي ممكن لا نفسي اعرف كيف ممكن لا حاولت معاه ماهو راضي يكون صريح ويريحني فياريت لو تفيدوني كيف اذاكر هذه المادة الزفت واجيب فيها فل مارك
وثاني شيء الكيمياء المدرس سيف نصر الدين الي يعرفو مصري هوا قلنا في ثلاثة كتب رئيسية انتو خذو واحد منها الي يناسبكم واحد ملخص بالعربي والثاني ملخص بالانجليزي والثالث الكبير الي يشق الوجه صراحة ذاك مو كتاب ذاك قلة حيا زي ماقلت لكم كيف ممكن طريق مذاكرتها للي يبغا يجيب فل مارك لاني ناوي صراحة الفل في كل المواد هذا طموحي بس عندي سؤال ثالث بس نستنا استاذ الاحصاء يجي علشان نسألكم والي يعرف احد جايب معدل 5من5 يقلنا ايش سوا كيف خطط لها وهل هو درس انجليش قبل كذا برا ولا لا خصوصا انو المواد كلها مصطلحات اول مرة تمر علينا المفروض صراحة يمهدوها من البداية من الثانوي مو ذحين على طول نلاقي حاجات غريبة في وجهنا وننصدم بعدين بها على العمو هذه اسألتي واسف اذا طولتها وهي قصيرة بس عارفين ابغا افضفض وماعندي احد افضفض معاه
|